Accessibility links

Кайнар хәбәр

İndüsTahirov: Şartnamäneñ buluı möhim


Rusiä Däwlät Duması vitse spikerı Oleg Morozov Rusiä belän wäqälätlärne büleşü turındağı ike aradağı Şartnamä Tatarstan häm Çeçnya belän genä imzala ala dip beldergän ide. Bu Başqortstan citäkçelegeneñ isä açuın çığardı. Prezident Mortaza Räximov Federatsiä subyektlarınıñ barısına da bertigez xoquqlar birelergä tieş dip belderde. Ä tarixqa küz salsaq isä 91нче yılnıñ 31 martında Rusiä Prezidentı Boris Yel'sin, Yuğarı Şura räise Ruslan Xasbulatov häm 86 subyekt citäkçeläre Federativ Şartnamägä qul quyğan ide. Barı Tatarstan belän Çeçnya ğına isä monnan baş tarttı. Ä ul çaqta isä Başqortstan başqa törle wäğdälär birgän ide. Bu xaqta TR Däwlät şurası deputatı İndus Tahirov

Bez Tatarstan häm Çeçnya ğına ul çaqta Federativ Şartnamägä qul quymadıq. Başqortstan belän Yaqutiä dä quymıybız dip beldergän ide. Ämma alar quydılar. Häm bez Çeçnya belän ike respublika ğına maxsus Şartnamägä däğwä qıldıq. Şunıñ nigezendä bez bügen şul maxsus Şartnamä nigezendä eşlärgä xoquqlıbız.

İndus Tahirov belderüençä, Tatarstan - Şartnamä nigezendä Rusiäne Federativ däwlät itep qaldıra, ğadi genä tügel ä assimetriäle Federativ däwlät itep. İndus Tahirov

Bu assimetriä federal' üzäk belän maxsus, yäğni ayırmalı mönäsäbätlärdä tora digänne añlata. Tatarstannıñ üzenä dä bu otışlıraq, anda dokumentlarda wäqälätlär ähämiäte zur tügel, ämma anıñ prinsibı möhim. Şunıñ belän bez kiläçäktä törle üzgäreşlär belän Şartnamäne saqlap qala häm bayıta alaçaqbız. Häm şunıñ sayın Tatarstannıñ suverenlığı nığı baraçaq. Qayçan da bulsa Tatarstan suveren däwlätkä äylänäçäk.

TR Däwlät Şurası deputatı İndus Tahirov äytüençä, Tatarstan bu yunäleştä berençe bulıp bara. Ämma şul uq waqıtta ul başqa respublikalarğa da yul yara. Häm kiläçäktä şundıy şartnamäle respublikalar artaçaq dip assızıqlıy İndus Tahirov.

Landış Xarrasova

XS
SM
MD
LG