Accessibility links

Mäskäw xalqı da “Bäxetle” buldı


18 noyäberdä Tatarstanda dan qazanğan “Bäxetle” kibetläreneñ berse Mäskäwdä dä açıldı. Mäskäwdä “Bäxetle” kibete açılırğa tieş digän xäbärne mäskäwlelär bıyıl saban tuyı waqıtında işetkän idelär. Şuña küräder dä, Otradnıy metrosınnan yanındağı mäçettän yıraq bulmağan ber cirdä, “Bäxetle” dip yazılğan zur bina yanına xalıq Saban tuyına kebek cıyılğan ide. Kibet yanına uq zur säxnä dä yasalğan. Cıyılğan xalıq muzıka astında tüzemsezlek belän qızıl tasmanı kisüne kötä. Bez şuşı xalıq yanına aşığıp aşığıp atlağan, mamıq şäl yapqan keşe yaqalı zäñgär pältä kigän, yıraqtan uq tatar ikänlege kürenep torğan ber äbine tuqtattıq. Tatarça endäşügä äbi räxmätlären uqı başladı: “ Bezneñ yanda möselman kibete açıla dip işettem, anda törle-törle tämle äyberlär satıla ikän, menä namazımnı uqıdım da baram äle”, dide äbi. Häm bu kibetne açuçılarğa da küp törle räxmätlär uqıdı.

Tantanalı açışnı alıp baruçı “Bäxetle kibetendä” biş yöz rubl'dän artıq mal aluçılarğa büläk bireläçägen, häm ike atna buyı xalıqqa taratılğan maxsus tanıqlama belän 3 protsentqa yun'räk mal alıp bulaçağın añlattı. Bäxetleneñ direktorı Möslimä xanım Latıypova qızıl tasmanı kisügä xalıq taşqını kibet eçenä omtıldı. Kibettä nilär genä yuq! Çäk çäk, öçpoçmaq, pärämäç, göbädiä, toqmaç, qıstıbıy! Äyterseñ Qazan kibete. Bez ber törkem satıp aluçılar yanına kilep, närsälär aldığız dip soradıq. Alar qımızın da tatar aşların da kp itep alğan bulıp çıqtılar. Bäyälär dä artıq qimmät tügel, bez biredä yaqın ğına torabız. Kibetkä yış kiläçäkbez, didelär alar. Mäskäwdä açılğan “Bäxetle” kibete berençese bulsa da, soñğısı tügel ikän. 2010 yılğa qädär Mäskäwdä 10 “Bäxetle” bulaçaq dide, kibetneñ xucası Möslimä xanım Latıypova. Ul şulay uq, başlap cibärgän waqıtta awır ide, qaywaqıtta Qazan belän Mäskäw arasın cäyäw yörgändäy buldım. Läkin Qazannan da yärdäm ittelär, biredä, Mäskäwdä dä sez bezgä kiräk tügel dip äytmädelär, teläktäşlek buldı, dide ul. Peşekçelär älegä barısı da Qazannan, alar öç ayğa komandirovkağa kildelär. Alğa taba mäskäwlelärne dä öyrätergä uylıybız. Aşlarnıñ sıyfatın berqayçan da töşermäyäçäkbez, dide Möslimä xanım.

Mäskäwneñ gel üzägendä ük bulmasa da Otradnıy metrosı yanında, tatar xalqı küpläp yäşägän urında açıldı “Bäxetle” kibete. Qazannarğa barıp “Bäxetledän” tatar aşları alıp qaytqan mäskäwlelär, Mäskäwneñ üzendä açılğan kibetne üz itärlär dip äytergä kiräk.

Näzifä Kärimova, Mäskäw

XS
SM
MD
LG