Accessibility links

Кайнар хәбәр

Üz çirkäwlärenä yärdäm kiräk buluğa qaramastan Yeparxiä sotsial'' oyışmalarğa bulışunı qulayraq kürä


Sotsial' yaqlau ministrlığı belän kileşü tözelgänçe Yeparxiä wäkillären qartlar yortlarına, internatlarğa kertergä bik telämägännär. Xäzer isä yul açıldı-atqaylar, poplar ayaq tibep kerä ala. Bu könnärdä Qazan häm Tatarstan arxiepiskopı Anästäsiy internatlarğa, qartlar yortlarına yärdäm itü turında qarar çığarğan. Barlığı 41 sotsial' oyışmağa yärdäm kürsäteläçäk. Bu xaqta Yeparxiä idaräse särqatibe Aleksandr Pavlov

Yeparxiä sotsial' oyışmalarda eşçänlek alıp bara kileşü nigezendä. Bez anda teläwçelärgä barıp nikax uqibız, ülüçelärne kümärgä barabız. Qısqası barlıq sorağan keşelärgä yärdäm itäbez.

Aleksandr Pavlov äytüençä, xäzer eşlär şaqtıy xutqa kitkän. Alar sotsial' oyışmalarda ğibädät bülmälären açu turında da uylıylar. Bilgele ul xristiannar öçen genä tügel, ä möselmannarğa da bulaçaq di iptäş Pavlov. Yeparxiä isä Alabuğa, Aqsubay, Alekseewski, Leninogrski, Bua häm tağın şaqtıy ğına rayonnardağı internatlarda häm qartlar yortlarında, aldan äytkänçä 41 sotsial' oyışmada eşçänlek alıp baraçaq.

Tatarstan möselmannarı Diniä Näzaräteneñ bu ölkädä eşçänlege äle älläni cäyelmägän dip äytergä bula. Kübräk Ramazan ayında moxtaclarğa yärdäm itü qaralğan häm Zäkyät programması nigezendä eşçänlek alıp barıla ikän. Tatarstan möselmannarı Diniä Näzarätneñ Üzäk apparatı citäkçese İl'yas xäzrät Cihanşin

Bez ayırım qartlar yortı belän tügel, ä ğomumi keşelär belän eşlibez

İl'yas Cihanşin belderüençä, alar törle mäçetlärdä moxtaclarnı aşatalar. Ramazan ayında törle rayonnarda iftar aşların uzdıruğa 1 million sum totılğan. Ä Zäkät komitetı xezmätkäre Abdulmälik xäzrät

Bez härwaqıt moxtaclarğa yärdäm itäbez. Başta bezgä ğarizalar kerä. Annarı bez çınnan da kemgä yärdäm itärgä kiräklekne tikşeräbez. İsemlektä xäzer 400 keşe tora

Şulay itep xristiannar inde sotsial' oyışmalarda tamır cäyep üz eşçänleklären kürsätsä, möselmannar isä moxtaclardan ğariza kergänne kötep yata. Yeparxiä barğan şäpkä berrättän üzläreneñ dinnäre turında da mäğlümat birep qayta. Ämma şul uq waqıtta üz Yeparxiä çirkäwlärendä bügen xällär şäptän tügel ikän. Mäsälän keräşen tatarlarınıqı bulğan

Tixvin çirkäwendä käznäçäye Pavel dädäy belderüençä, Yparixiä ay sayınn alardan 5 meñ salım sorıy. Aqçanı şäm satıp cırğa mäcbürbez dide Pavel dädäy.

Landış Xarrasova

XS
SM
MD
LG