Accessibility links

Yanukoviç Könbatış belän xezmättäşlek yulların ezli


Ukraina premyer ministrı Viktor Yanukoviçnıñ Quşma Ştatlarğa säfäre bara. Bu anıñ, yañadan premyer itep bilgelängännän soñ, Amerikağa berençe baruı. Ukraina Premyerı Quşma Ştatlar vitse-presidentı Dick Cheney, däwlät sekretare Condoleezza Rice häm Energetika sekretare Samuel Bodman belän oçraşırğa tieş. Ul şulay uq, New Yorka ütäçäk investitsiä forımında ere biznes wäkilläre belän dä oçraşırğa ciyına. Düşämbedä Yanukoviç Washingtonda Strategik tikşerenülär insittutında bulıp, Ukraina xökümäteneñ demokratik häm iqtisadi reformalarğa yöz totuı turında äytte

Berniçä ay elek, saylawlarda xärämläşülär häm Könbatışqa qarşı belderülär belän tanılğan Viktor Yanukoviç, Amerikağa kilgäç, Quşma Ştatlarğa nigez saluçılarğa mädxiä uqıdı häm Martin Luther Kingnı telgä aldı. Televidenie kameraları aldında basıp torğanda häm Däwlät deportamentı räsmiläre, demokratlar yaqlı citäkçelär häm çit il diplomatları belän öçraşqanda , Yanukoviç, Ukrainanıñ säyäsi häm iqtisadi reformalarğa yöz totqanın belderde. Ul korrupsiägä qarşı belderü yasap, Ukraina dönya öçen açıq dide.

Ukrainada totrıqsızlıq çorı artta qaldı häm kiläse 5 yılda il aldan farazlana alırlıq häm totrıqlı bulaçaqına wäğdä itte. Ul şulay uq, ütkän qışnı bulğan energetik krizisin telgä aldı. Ul waqıtta Ukrainağa birelä torğan gas Rusiäneñ Gazprom şirkäte tarafınnan yabılğan ide. Gaznı çikläw Yevropada da energtika ölkäsendä kierenkelek tudırğan ide. Washingtonda bulğan oçraşuda Yanukoviç, Ukraina gaznı tapşıruçı ışanıçlı partner bulaçaq häm bu qışta Yevropadağı qullanuçılar tabiği gaznı alıp toraçaq, dip äytte.

Yanukoviçnıñ ber atnalıq säfäre Ukrainada säyäsi qarşılıqlarğa säbäpçe buldı. Tışqı eşlär ministrı Borys Tarasuk, Yanukoviçnıñ Quşma Ştatlarğa säfären buldırmasqa tırıştı, ul premyer-ministr Quşma Ştatlardağı söyläşülärdä prezidetnıñ xuplawın almağan, dip ätkän bulğan. Soñınnan Yuşenko, Viktor Yanukoviçnıñ säfären xuplawı turında iğlan itelde. Annan soñ, Yuğarı rada Tarasuknı da eştän aldı. Düşämbedä bulğan oçraşuda, Yanukoviç, xezmättäşlekkä basım yasadı. Bu Ukraina tışqı säyäste öçen bik möhim närsä dide ul. Ukrainanıñ NATOğa kerü mäsäläsendä ul bolay dide.

Salqın suğış çorı fikerläweneñ şulay ozaq yäşäwe çınnan da şaqqatıra. Küp keşe, bezneñ NATOğa kerüebez Rusiägä qarşı bulır, duslıqqa zıyan itär, dip uylıy. Näticädä, Ukrainnarnıñ biştän bere genä alyansqa quşılunı xuplyı, monı isäpkä almyıça bulmyı.

Yanukoviç, Ukraina alyansta tulı xoquqlı äğzä bulırğa teli, dip tä äytte. Ukraina premyerı Quşma Ştatlar prezidentınıñ küptän tügel Rigada bulğan NATO sammitında, Ukrainda NATOğa üze äzer waqıtta kerer, dip äytkän süzlären dä kiterde.

Yanukoviç şulay uq, Mäskäw yaqlı bulıp kürenergä teläde. Rusiä belän törle yaqlap xezmättäşlekne üsterergä tieşbez, dide ul. Yanukoviçnıñ Quşma Ştatlar räsmiläre belän söyläşüläreneñ iğtibar üzägendä Ukrainanıñ Dönya säwdä oyışmasına kerü mömkinlege bulaçaq. Quşma Ştatlarda bulğanda, Yanukoviç bolay dip äytte :

AQŞ häm NATO belän xezmättäşlek itü bik möhim buluın härkem añlıy häm Rusiä belän dä dustanä mönäsäbätlärdä buluğa qarşı bulğan säyäsätçene kürğänem yuq.”

Bikä Timerova.
XS
SM
MD
LG