Accessibility links

Кайнар хәбәр

Çittäge millättäşlärebez qatnaşında çaralar


Qazanğa törle illärdä häm Rusiä töbäklärendä yäşäwçe tatar eşmäkärläre kilä başladı ide. Pänceşämbe könne “Aq Bars” yäşlär üzägendä «Tatarstannıñ eşlekle xezmättäşläre» digän zur Forum uzaçaq. Ul inde 6нчы yıl rättän oyıştırılıp kilä. Anda kübräk Tatarstan tauarların çit cirlärdä täqdim itüçe oyışma citäkçeläre, Tatarstan-säwdä yortı başlıqları, tatar moxtäriäte wäkilläre, eşmäkärlär qatnaşaçaq. Ğomumän alğanda Rusiäneñ 45 töbägennän häm 15 çit ildän wäkillär kiläçäk. Çit illärdän Bolğariä, Almaniä, Latviä, Litva, Çexiä, Törkiä, Finlyandiä, Fransiä, Äzerbäycan, Qazaqstan, Qırğızstan, Belarus' häm Ukrainadan wäkillär qatnaşaçaq. Tatarstan säwdä häm tışqı iqtisadıy xezmättäşlek ministrlığı belän tatar kongress oyıştırğan bu forumda şulay uq Tatarstan Premyer-ministrı Röstäm Miñnexanov ta qatnaşır dip kötelä.

Äytergä kiräk, çittäge tatar eşmäkärlärneñ küpçelege üzlärendä tatar oyışmaları belän dä elemtädä tora häm azmı-küpme alarğa matdi yaqtan yärdäm dä itep kilä. Yäğni töbäklärdäge törle tatar çaraları uzdırğanda aqçalata yärdäm itep kilälär. Şul säbäpleder, älege Forum dönya tatar kongressı Başqarma komitetınıñ 8-9 dekaberendä uzaçaq çaraları belän turı kiterelgän. 8 dekaber könne uzaçaq çaralar turında Tatar kongressınıñ matbuğat üzäge citäkçese Gölnaz Şäyxi

8 dekaber könne «Tügäräk östäl», «Qazan» milli mädäni üzägendä Tol'yatti şähäre rässamnarı Rinat Biktaşev häm Larisa Xafizovalarnıñ kürgäzmäsen açu qaralğan. Massaküläm mäğlümat çaraları komissiäsenä çit töbäklärdän barlığı 60 jurnalist çaqırıldı.

Gölnaz Şäyxi belderüençä, kürgäzmä 8 dekaber könne “Qazan” milli mädäniät üzägendä säğät 2дә açılaçaq. Annan soñ “tügäräk östäl” bulaçaq. Ä 9 dekaberdä massaküläm mäğlümat çaraları komissiäseneñ kiñäytelgän utırışı bulaçaq. Gölnaz Şäyxi

Tatar massaküläm mäğlümat çaraları problemalarına kilgändä, küp kenä töbäklärdä tatarça radio-televidenie tapşıruları yabıldı. Gazetalarnıñ da xälläre ciñeldän tügel - uquçılar sanı yıldan-yıl kimi bara. Şulay uq Tatarstanda çıqqan gazeta-jurnallar da millättäşlärebezgä barıp citmi. Utırışta şul mäs’älälärne kütärergä uylıybız.

9 dekaber könne şulay uq Bötendönya tatar kongressı Başqarma komitetınıñ kiñäytelgän utırışı da uzaçaq. Bu xaqta tatar kongressı räiseneñ berençe urınbasarı Renat Wäliullin :

Älege çaralarda qatnaşu öçen Rossiä häm çit illärgä 170 çaqıru cibärelgän, alar arasınnan 25 keşe Qazaqstan, Qırğızstan, Äzerbäycan, Ukraina häm Belorus'tän kiläçäk, ä qalğannarı Rossiä töbäklärennän. Bötendönya tatar kongressı Başqarma komitetınıñ kiñäytelgän utırışında isä uzğan yılğa näticälär yasalıp kiläse yılğa burıçlar bilgelänäçäk. 2007 yıl möhim yıllarnıñ berse, çönki IV Bötendönya tatar kongressı Qorıltayı uzaçaq. Aña äzerlek xaqında da söyläşü qaralğan.

Tatar kongressı räiseneñ berençe urınbasarı Renat Wäliullin şulay uq biredä tatar ictimaği oyışmalarınıñ 2006 yılğı eşçänlegenä yomğaq yasaw bulaçağın äytte. Şul uq 9 dekaber könne kiçke altıda Gölnaz Şäyxineñ küptän tügel dönya kürgän “Küñel därya” digän kitabın täqdim itü qaralğan.

Landış Xarrasova

XS
SM
MD
LG