Tatar professional' muzıkasına nigez saluçılarnıñ berse kompozitor , dirijer Sälix Säydaşevnıñ tuuına bıyıl 3 dekaberdä 106 yıl tuldı.
Bu uñaydan Sälix Säydaşev muzeyıenda “Sünmäs yoldız” iseme astında TDGPU dotsentı Miñğol Ğaliev tarafınnan oyıştırıldı. Sälix Säydaşevnıñ tuğan köne uñayınnan oyıştırılğan çaralar äle aldağı könnärdä äle oyıştırılaçaq.
Kompozitor , dirijer Sälix Säydaşevnıñ iseme belän bäyle urınnar Qazanda şaqtıy. Başqalada anıñ muzeyı da eşli. “Bu muzey S Säydaşevnıñ icatın propagandalau buyınça menä inde 13 yıl eşläp kilä. Şuşı 13 yıl eçendä muzeyğa 100 meñnän artıq keşe kilep kitte, häm yıl sayın 7-8 meñ keşe bulıp kitä, dide muzey citäkçese Emil' Nasıybullin.
6 dekaber könne muzeyda S.Säydaşevnıñ tuuına 106 yıl tuluğa bağışlanğan “Säydäş yoldızlığı” iseme astında muzıkal' kiçä ütte. Kiçädä Tatarstannıñ xalıq artistı Miñğol Ğaliev häm anıñ şäkertläre kompozitornıñ äsärlären başqardılar.
Bu kiçädä S.Säydaşev icat itkän äsärlär K Tinçurinnıñ “Zäñgär şäl” “Qandır buyı” melodramalarınnan,T Ğizzätneñ Naemşçik”spektakl'lärenä yazılğan cırları yañğıradı. Anıñ “Xuş awılım”, Cırlarım”, “Ädrän diñgez”, “Bez qabızğan utlar” kebek cırları başqarıldı.
Konsertta Askar Gömärov citäkçelegendäge skripaçlar ansamble dä qatnaştı. , Fortepiano partiäsen Zölfiä İbrahimova başqardı.
Miñğol Ğaliev S Säydaşevnıñ icatı turında bolay dide:
Kompozitor Sälix Säydaşevnıñ cırları moñnarı mäñge yaña kebek , çın xalıq küñelennän çıqqan awazlar belän suğarılğan” dide ul .
S Säydaşevnıñ icatın yaratıp oçraşuğa kilgän tamaşaçı arasında kompozitornıñ tuğannarı da bar ide. Canbäk Äxmärovnıñ änise Äminä xanım belän Salix Säydaşev bertuğan bulğannar . “Ul mine keçkenädän qarap üsterde”,- dide anıñ turında Canbäk Äxmärov. “ Anıñ “Xuş awılım” digän cırı minem iñ yaratqan cırım ide,- dide ul bezgä.
Tamaşaçı arasında rus millätennän bulğan keşelär dä bar ide. Häm yäşlär dä bik küp buldı.
S Säydaşevnıñ icatına bağışlanğan muzıkal' kiçä . 4 dekaber könne TDGPUda uzğan ide. S Säydaşevnıñ icatın iskä alunı alar üzläreneñ traditsiäsenä äverelderde.
. Miñğol Ğaliev citäkçelegendäge konsert 14 dekaberdä xalıqlar duslığı yortında da bulaçaq. Ä TR kompozitorlar berlege S. Säydaşevqa bağışlanğan kiçäsen 15 dekaberdä uzdıraçaq.
Mälikä Basıyr
