Accessibility links

Кайнар хәбәр

Aleksandr Konovalov Qazanda


Düşämbe könne Qazanda Rusiäneñ İdel buyındağı töbäklärneñ qanun çığaru oyışmaları citäkçeläreneñ çirattağı utırışı uzdı. Utırışta Tatarstan parlamentı räise Färit Möxämmätşin, Rusiä Prezidentınıñ İdel buyı töbäklärendäge wäkile Aleksandr Konovalov, Rusiäneñ 13 töbägeneñ qanun çığaru oyışmalarınıñ citäkçeläre qatnaştı. Cıyında süz Rusiä grajdannarın uñaylı toraq belän tä'min itü turında bardı. İrtän qatnaşuçılar Qazanda sotsial' ipoteka buyınça tözelgän yortlarnı qaradılar. Cıyında qatnaşuçılar Tatarstannıñ bu yünäleştäge eşçänlege başqa töbäklär öçen dä ürnäk buluın äyttelär.

Qazandağı tözeleş industriäse belän tanışqannan soñ citäkçelär üz eşlären Tatarstan Däwlät Şurası binasında däwam itterde.

Utırışta İdel buyı töbäklärendä toraq tözeleşe tarmağındağı xäl itäse problemalar turında Aleksandr Konovalov täfsilläp söyläde. Konovalov süzlärenä qarağanda, Rusiä xalqına uñaylı häm härkem satıp alırlıq toraq ilküläm proyektı bik awırlıq belän genä bara. Monı ul bazar tudırğan problemalar häm şähär tözeleşe dokumentlarınıñ tieşle däräcädä bulmawı belän bäyle dip añlattı.

Gölnaz Şäyxetdin

XS
SM
MD
LG