Respublika prokuraturası bäysez “Provinsialnıe vesti” gäzite möxärrire, 63 yäşlek Viktor Şmakov häm bäysez jurnalist, 39 yäşlek Ayrat Dilmöxämmätov eşen tikşerep betep mäxkämägä cibärde. Bäysez jurnalistlar eşen başqalanıñ Kirov rayonı mäxkämäse qarayaçaq. Alar ekstremizmda ğäyeplänä. Viktor Şmakovnıñ amnistiägä elägüe, yağni yarlıqanuı da mömkin dilär. Ä küptän tügel şartlı xökem itelgän Ayrat Dilmöxämmätovnıñ bu yulı qatıraq cäza alu ixtimallığı bar. Ul ağımdağı yılda prezident Mortaza Räximovnı köç belän bärep töşerüdä ğayeplänep şartlı xökem itelgän ide. Bu çığışın ul uram cıyınında yasağan ide.
