“Smarts” käräzle elemtä kompaniäseneñ möselmannarğa “Azan”, xristiannarğa “Zvonnitsa” xezmäten, yäğni tarifın kertü uñayınnan oyıştırılğan matbuğat oçraşuında “Smarts”nıñ Qazan bülege citäkçese Marat Miftaxov, “Qol-Şärif” mäçete imamı Ramil xäzrät Yunısov häm Sergey Radoneşskiy çirkäwe ruxanie Pavel ataqay qatnaştı.
Äytergä kiräk, moña qädär xristiannarğa “Zvonnitsa” tarifı inde Samara ölkäsendä kertelgän bulğan. Tatarstan isä älege ike dingä qarağan xezmätlär genä bulsa, tizdän yähüdlär öçen dä kertergä cıyınalar.
“Azan” xezmäteneñ kertelüe turında Qol-Şärif mäçete imamı Ramil Yunısov:
Bu “Smarts” kompaniäse ideyäse häm eşçänlege ide. Alar Qol-Şärif mäçete xezmätkärle belän kiñäşläştelär häm bu tarif barlıqqa kilde.
Ramil Yunısov äytüençä, bu möselmannarğa zur büläk, çönki älege tarifta eç tapqır o häm ike dürtle cıyıp keşelär borçığan sorawlar cawap ala alaçaq. Nindi xezmätlär qaralğanı turında “Smarts”nıñ Qazan buyınça citäkçese Marat Miftaxov:
Monda köndä säğät irtänge biştä könlek namaz waqıtları buyınça mäğlümat kiläçäk. Annan soñ Qor’än ayätläre, xädislär, törle dini köylär, räsemnär kiläçäk
Marat Miftaxovqa quşılıp Ramil xäzrät Yunısov:
Anda sorawlarğa cawap birüçe belgeçlär dini genä tügel, ä dönyawi belemle dä bulaçaqlar. Şuña alar törle qatlawlı sorawlarğa da cawap birä alaçaq Monnan tışa möselman bäyrämnäre waqıtında sms xezmäte nigezendä buşlay ber-bereñä qotlawlar cibärü qaralğan. Älege “Azan” tarifı da Qorban bäyräme aldınnan açarğa uylağannar. Marat Miftaxov:
Xac, Qorban aldınnan buldırdıq bu tarifnı. Elek Soğud Gärabstanına baruçılar telefonnan söyläşügä 1 minutqa kimendä 100 sum tüli ide, xäzer ul 35 sum.
Marat Miftaxov äytüençä, älege tariflardan keremeneñ 10нан ber öleşe din wäkilläre xisabına küçereläçäk. Älege aqçanıñ närsägä totılaçağın Ramil xäzrät Yunısov:
Bu aqça möğallimnärgä, imamnarğa, moxtaclarğa bireläçäk. Xäzer bez isemlekne tözibez.
Dini xezmätlär buyınça söyläşü 1 minutı 1 sumğa toraçaq. Ul tarif 16 töbäktä bulaçaq dide Marat Miftaxov – Yaruslawdan alıp Krasnodarğa qädär, şulay uq Başqortstanğa da kerteläçäk.
Landış Xarrasova
