Accessibility links

Кайнар хәбәр

“Tatar yegete” bäygese tämamlandı


14 dekaberneñ “Piramida” mädäni-küñel açu kompleksınıñ disko-klubında töbäk ara “Tatar yegete” bäygese yomğaqlandı. Bötendönya tatar kongressı Başqarma komitetı, Tatar yäşläre forumı byurosı, “İdel'” yäşlär üzäge, “Osqar-rekords” studiäse oyıştırdı.Kiçke cidençe yartıda tanspolğa xalıq küp ağıldı. Çönki Bötendönya tatar kongressı Qazandağı universitetlarında uquçı tatar studentlarına buşlay çaqırular taratqan. Bolay kerergä teläwçelär aqça tüläp kerdelär. Yartı säğät diskätük bulıp “Tatar yegete” bäygeseneñ yomğaqlaw öleşe başlanğanda “Piramida” disko-klubında alma töşer urın da yuq ide. “Tatar yegete” “Ayfara” törkemeneñ “Bez tatar yegetläre !”, “Tatarlar kilä!” cırları belän başlanıp kitte. Tamaşanı Aysılu Leron belän, İlfar Kärimov alıp bardı. Alar ikese dä “Yaña ğasır” tele - radiokompaniäseneñ yäş yoldızları. Töbäk ara “Tatar yeget” bäygeseneñ yomğaqlaw öleşenä 7 qatnaşuçı kergän: Rawil' Yunaliev - Volgograd ölkäse, Fänis Sadretdinov - Çuwaşstan respublikası, Qazannan - Ramil Xäyretdinov, Dänis Zakirov, İlmir Ömetbaev - Başqortstan, Nägiulla Xäsänov - Qıtay, Lenar Gäfiätullin - Çallı. Menä şuşı yegetlär ber-berse belän köç sınaştılar. Yegetlärne bäyälärgä härbersenä berär jyuri äğzası quyılğan. Jyurida, kem bu tatarça şou-tamaşa oyıştırırğa üzennän öleş kertkän şularnıñ wäkilläre, citäkçeläre utırdı. “Tatar yegete”ndä qatnaşuçılarnıñ barsı da tatarça äybät belä, läkin Volgogradtan kilgän yeget kenä kübräk rusçalatıp söylände. Qatnaşuçı yegetlär säxnägä çığıp basqan sayın, disko-klubnıñ tanspolında alarnıñ canatarları şaw-şu kilep tordı. İñ köçle tawış Çallılarda buldı buğay. Bäygeneñ niçek başlanıp kitep däwam itü tärtibenä küz salıyk, “Ässälämeğaläyküm!” qatnaşuçılar sälämläwe; - İsänmesez diep başlıym! Min Danis, Tatarstan danın yaqlıym! Näq menä şuşı Qazan yegete Danis Zakirov “Tatar yegete” bäygeseneñ töp batırı, qaharmanı buldı. Qalğan altı yeget tä büläksez qalmadı, “Tatar yegete”ndä qatnaşuçılar üzlären Tatarstan prezidentı itep tä xis ittelär. Şulay uq tatar xalqınıñ milli yolaların, bäyrämnären iskä aldılar, alıp baruçılar birgän sorawlarğa cawap ezlädelär, Mintimer Şäymiev äytkänçä “Bez buldırabız!” digän deviz astında üzläreneñ cır-biyugä ostalıqların kürsätep mataştılar. “Tatar yegete” bäygese barğan waqıtta, disko-klubnıñ säxnäsenä “Osqar-rekords” studiäseneñ cırçıları tanspoldağı yeget-qızlarnı selketep aldılar. “İttifaq” törkemenä tamaşaçılar awız açıp qarap tordı, çönki tegelär üz tawışları belän tatarça repnı şulay itep uqıdılar, “Piramida” der selkende. Çallı yäşläre dä maxsus iyüllär äzerläp kilgännär. Oyıştıruçılar bu bäygeneñ dinamik ruxta, qızu ritmnarda, zamança bulır dip ışandırğannar ide. Tamaşa başlanıp ozaqta ütmäde, urta yäşlärdä buluçı jyuri äğzaları di-djeylarnı, tawış köyläwçelärne dinamikanı kimetergä mäcbür ittelär. Yäşlär zamança köylär, zamança “Tatar yegete” bäygese teli, ä oyıştıruçılar elekke qalıplardan çığa almıy. Röstäm İsxaqi
XS
SM
MD
LG