Accessibility links

Кайнар хәбәр

Tanılğan millättäşebez Mäxmüt Urallı wafat


Möxämmädiär Urallınıñ, yäğni Möxämmät äfändeneñ wafat buluı turındağı xäbär Törkiädä genä tügel, Tatarstanda, xätta Amerikada yäşäwçe millättäşlärebezne dä qayğığa saldı. Tumışı belän Başqortstan yaqlarınnan bulğan Möxämmädiär äfände 2нче Bötendönya suğışında almannarğa äsir bulıp töşä. Suğıştan soñ ul Törkiägä kitä häm anda tatar qızına öylänä. Çit illärgä yul açılğaç ta, Törkiä yaqlarına baruçı Tatarstannan küp kenä millättäşlärebez berençe bulıp Möxämmät äfändeneñ yortında tuqtala torğan bulalar. İstanbul şähäreneñ üzägendä 2 qatlı üz yortı belän yäşäwçe Möxämmät äfände kiñ küñelle keşe bula häm qızı Göltan Urallını şulay tärbiäli. Şuña Tatarstannan Törkiägä belem alırğa kilgän studentlar alarda daimi cıyılalar. Bu xaqta xäzer Qazanğa äylänep qaytqan studentlar bik cılı itep iskä ala. Tatarstandağı ber säwdä şirkäteneñ idärä eşläre belgeçe Äxät Nurmöxämmätov

Mäxmüt äfände öyeneñ işekläre millättäşlärebez öçen härwaqıt açıq buldı. Ul bezne, yäğni studentlarnı bik cılı qarşı ala ide häm üzläreneñ balalarına qarağanda kübräk yarata häm härberebezne isemläp belä ide. Ä ul çaqta – 90нчы yıllar başında anda yözläp student belem aldı. Bäyrämnärdä alarda cıyılu ber traditsiägä äylände

Äxät Nurmöxämmätovqa quşılıp “Da” digän jurnalınıñ Tatarstandağı wäkile Räsim Xösnetdinov

Suğış waqıtında küp awırlıqlar kürgän. Üzeneñ kibete bar ide häm ul anda maşina cihazları sata ide. Bezne härwaqıt çaqıra ide, problemalar bulsa xäl itüdä yärdäm itte. Ramazan, Qorban waqıtında öy şaw-gör kilep tordı

Räsim Xösnetdinov fikerlärenä Qazandağı “İdel” säwdä şirkäte xezmätkäre Dinar Sadıyqov

Anıñ qızı Göltän Urallı da ätisen kebek kiñ küñelle. Aña sälämnärebezne häm doğalarıbıznı tapşırabız. Bez inde tuğan yaqlarğa qaytsaq ta alar haman bezneñ küñeldä saqlana

Mäxmüt Urallı turında cılı xatirälär belän urtaqlaşırğa telägän yäş millättäşlärebez küp buldı. İnternet çeltärendä dä qayğınamälär birelä kilä. Bötendönya tatar kongressı Başqarma komitetı da Möxämmät äfände qızı sänğät ähele Göltan Urallığa qayğısın urtaqlaşıp telegramma yulladı.

Landış Xarrasova

XS
SM
MD
LG