Accessibility links

Кайнар хәбәр

Çistay yegete armiädän tabutta qayta


Pänceşämbe könne Çistay şähärendä yäşäwçe Bikmöxämmätovlar ğailäse öçen iñ qayğılı könnärneñ berse bulaçaq. Saxalin utrawınnan tabutta 18 yäşlek ulları Rail Bikmöxämmätovneñ gäwdäse qaytarıla. Saxalinnıñ xärbi bülegendä xezmät itkän Railneñ ülü säbäpläre älegä bilgele tügel. Utrawdan Çistay voenkomatına kilgän telegrammada - Bikmöxämmätov xezmäten başqarğan waqıtta häläk bulğan dip xäbär itelä.

Armiägä Railne şuşı yılnıñ iyün ayında ozatqannar. Xezmät itüenä yartı yıl da ütmäde, yegetneñ ata-anası qayğılı xäbär aldı. Yeget xärbi bülektän yıraq tügel cirdä, ağaçta asılınıp ülgän. Ämma ülär aldınnan Rail anıñ ülemendä ğayıple bulğan keşelärneñ isemnären yazıp qaldırğan. Alar xärbi bülekneñ dedları yäğni qartları. Yegetneñ üleme buyınça ike cinayät eşe quzğatılğan. Anıñ berse - yegetne üz üzenä qul saluğa citkerüläre, ä ikençese - wäkälätlärdän faydalanıp, köç qullanu öçen. Xäzer tikşerülär bara. Çärşämbedä Qazannıñ xoquq belgeçlärenä Railneñ tögäl ülü köne mäğlüm bulğan. Ul 13 dekaber'. Ä yegetneñ ata-anasına barı tik 17сендә genä xäbär itkännär.

Armiädä Railne bik nıq qıynağannar. Yegetne yarıp qarağaç tabılğan tän cäräxätläre şul xaqta xäbär itä. Armiä qartlarınıñ qılanuları turında Rail söylägän bulğan. Ämma üz yaqınnarına tügel, ä duslarına ğına äytkän. Çönki ätise ul waqıtta bik nıq awırğan. Atasınıñ xäle bik awır bulğanda sentyaber' ayında Rail öyenä dä qaytıp kilgän. Tuğan yaqtan kire xärbi bülekkä kilgändä isä armiädäge wäzğıät tağı da qatlawlanğan. Şuşı könnärdä genä armiä saflarında ulın yuğaltqan Rämil Bikmöxämmätov söyli:

Min awırğanda qayttı ul. Ä kitkändä käräzle telefon alıp kitkän ide. Tegendä qartalar tartıp alğannar şunı häm satıp eçkännär. Ä ulıma şuşı telefonnı üzem büläk ittem dip käğäzgä yazarğa quşqannar. Şunda bik nıq qıynağannar da inde anı. Ul şunda çığıp kitkän. Ä annan soñ anıñ gäwdäse genä tabılğan. Tikşerülär şunı kürsätä anda yäş soldatlarnı daimi räweştä qıynağannar. Min ulım belän soñğı märtäbä comğa könne, 8 dekaber'dä söyläştem. Tüzär xälem qalmadı dip söyläde ul miña şunda. Min üzebezneñ voenkomatka bardım. Railneñ qaytarularına ütendem. Kiräk bulsa aqça da biräm didem. Ämma ölgerä almadıq şul.

Al'bina Zäynulla

XS
SM
MD
LG