Accessibility links

Кайнар хәбәр

Gazprom Saxalin-2ne kontrolgä aldı


Angliä-Niderland urtaq neft şirkäte Shell Rusiäneñ Gazprom şirkäte Saxalin-2 di atalğan energetiä proyektınıñ 50 protsent häm tağın ber aksiäsen üzenä ala dip belderde. Bu Rusiä Mäskäw Kremleneñ Rusiä energiä tarmağın üz kontrolenä alu yulındağı çirattağı zur adımı dip bäyälänä.

Shell süzçese Maxim Shoop bu kileşüne Mäskäw Kremlendä Rusiä prezidentı Vladimir Putin, Shell häm Gazprom citäkçeläre häm proyektnıñ Yapon xissälären wäkillek itüçe räsmilär imzaladı dip belderde.

Gazprom başlığı Aleksey Miller xäbärçelärgä bu kileşüneñ bäyäsen iğlan itte

"Gazprom Saxalin-2neñ 50 protsent häm tağın ber aksiäsen üzenä ala. Bu xissälär paketınıñ bäyäse 7 milliard 450 million dollar" dide Miller.

Oçraşu barışında Putin kileşüne xuplawın belderde häm bu proyektqa xökümät tulısınça yaqlaw kürsätäçäk dide.

"Rusiä xökümäte dä investorlar da bu proyektnıñ tormışqa aşuın teli. Xörmätle äfändelär min sezgä bu söyläşülärdä kürsätkän sığılmalılıq öçen räxmät belderergä telim. Häm tağın ber märtäbä şunı äytergä telim, bu proyekt tormışqa aşsın öçen barısın da eşliäçäkbez" dide Putin.

Saxalin-2 proyektı Saxalin utrawında sıyıqça xälendäge tabiği gaz citeşterüne küzdä tota. Häm ul 22 milliard dollarlıq kerem kiterer dip kötelä. Rusiä Saxalin-2 ne üz kontrolenä aluğa Rusiä yağınnan aylarca däwam itkän arta baruçı basımnan soñ ireşte.

Rusiä tabiğätne saqlaw xezmätläre Saxalin-2neñ başqaruçılarına administrativ çikläwlär, alarnıñ eşçänlek röxsäten alular, tabiğätkä zıyan kitergän öçen millliardlarça dollarlıq ştraf tülätülär belän yanadı.

Küp kenä analitiklar Rusiä xakimiätläre şulay itep Saxalin-2 proyektin satıp aluda Gazpromnıñ pozitsiäsen köçäytü öçen tırıştı di.

Naif Aqmal, Praga.
XS
SM
MD
LG