Qamal teatrınıñ 100 yıllığın räsmi räweştä bäyräm itü mart ayında bilgelände. Ul könne Qazanda Tatarstan häm Rusiäneñ tatar teatrları unkönlege açılaçaq. Här teatr tamaşaçılarğa üz repertuarındağı iñ yaxşı spektakl'lärne täqdim itäçäk. Tarixtan bilgele bulğança berençe teatr 1906 yılnıñ 22 dekaberendä Qazannıñ xäzerge travmatologiä institutı binasında ütkän. Uzğan şimbädä tatar teatrınıñ 100 yıllığı könendä Qamal teatrı kollektivı häm teatr dusları Tuğan awılım küñel açu üzägendä bergä cıyılıp bu yubileyğa bağışlanğan mäcles ütkärde. Şunı äytergä kiräk, 27 mart - Xalıqara teatr könendä häm tatar teatrınıñ 100 yıllığına bağışlanğan bäyrämdä G.Qamal teatrı artistları Gabdraxman İl'yasineñ "Bäxetsez qız" p'yesası premyerasın quyaçaq. Bu keçkenä p'yesa xalıq tormışında mäğrifätçelekneñ role häm xatın-qız xoquqın yaqlaw mäs’älälären kütärä. Gölnaz Şäyxetdin
