Accessibility links

Кайнар хәбәр

Törkmänstanda prezident saylawları aldınnan konstitutsiä üzgärtelde


Törkmän gazetları prezident wazıyfaların başqaruçı Gurbanğulı Berdemöxämmädovqa Fevral ayında ütäçäk prezident saylawlarında namzät bularaq qatnaşu mömkinlege birüçe konstitutsiä üzgäreşlären bastırıp çığardı. Bu tözätmälärgä qädär konstitutsiädä prezident wazıyfaların başqaruçı, yäki waqıtlı prezident saylawlarda prezident känäfien däğwalıy almıy dip yazılğan ide. Konstitutsiä nigezendä uzğan atnada prezident Saparmurat Niyazov wafat itkännän soñ preziden wazıyfaların üz östenä parlament räise Ovezgeldı Atayev alırğa tieş ide. Bügen Atayev räsmi räweştä parlament citäkçelegennän töşerelde. Törkmänstan demokratik köçlär berlege dip atalğan oppozitsion törkem xakimiätlärdän uzğan şimbädä yuqqa çıqqan Nurberde Nurmammedov turında mäğlümät birüne soradı. Bu törkem Nurmammedovnı prezident saylawlarına üz namzäte itep çığardı. Başqa oppozitsion törkemnär, Respublika häm Watan partiäläre namzät itep elekke üzäk bank räise Xodaybirde Orazovnı kürsätte. Xakimiätlär alarnıñ bersen dä bu saylawlarğa namzät itep terkämäde.
XS
SM
MD
LG