Yewropa Berlege Rusiä belän Belarusnı gaz bäyäse nizağın tiz arada çişärgä çaqırdı. Bu nizağ berlek illärendä gaz täeminätenä täesir itärgä mömkin.
Rusiäneñ Gazprom şirkäte, ägär dä Minski 1-nçe ğinwardan gaz bäyäse artuğa rizalaşmasa Belarusqa gaz cibärüne tuqtatu belän yanağan ide.
Belarus, Rusiä gazdan özsä Könbatış Yewropağa üz ütkärgeçläre aşa gaz qudırunı tuqtatu belän yanadı.
Rusiä gazınıñ 80-läp protsentı Yewropağa Ukraina aşa, qalğanı Belarus aşa kitä.
Yewropa Berlegeneñ energiä komissionerı Andris Piebalgs tarawlarnı kileşergä häm Yewropanıñ gaz täeminäten qurqınıç astına quymasqa çaqırdı.
Yewropa Berlege qullanğan gaznıñ çirege Rusiädän kilä. Bügen Kiev Belarus aşa gaz qudıru tuqtalsa Ukraina aşa kübräk gaz qudırıp Yewropalılarğa yardäm itärgä äzer buluın belderde.
