Soñğı 12 yılda Kongressta küpçelekne respublikannar täşkil itkändä ike partiä wäkilläre arasında eçke häm tışqı mäsälälärdä qızu bäxäslär bardı, citdi fiker ayırması säbäple qayber möhim qanunnar qabul itelmi qaldı.
Açuları çıqqan amerikannar ike ay elek ütkän saylawlarda Kongressnıñ ike pulatında da küpçelekne demokratlarğa birde. Wäkillär pulatında Kaliforniädän Nancy Pelosi, Senatta Nevadadan Harry Reid räislek itäçäk. İkese dä demokrat, läkin respublikannar belän xezmättäşlek itergä süz birde.
"Bez tarixi eş başqardıq, xäzer täräqqiät kiräk. Min prezident belän bergäläp eşläwne kötäm" dide Nancy Pelosi - Wäkillär pulatın citäkliäçäk berençe xanım – saylawlardan soñ ike kön ütügä Bush belän oçraşqaç.
Läkin soñraq ul Kongressta äxlaq qağidälären qırıslatu, neft sänäğätenä taşlamalar qısqartu kebek respublikannar qarşı çıqqan mäsälälärne eşneñ berençe könnärendä ük kütäräçägen äytte.
Çärşämbe Wall Street Journal basmasında dönya kürgän mäqäläsendä prezident Bush demokratlarğa birgän wäğdälären islärenä töşerde, üz qaraşların ğına alğa sörmäskä çaqırdı, bu körçekkä kiteräçäk dip kisätte.
"Tarixıbıznıñ şuşı ähämiätle çorında bezneñ barıbızğa da cawaplı wazifa tapşırılğan, säyäsätne çitkä quyıp, kiläçäkkä qarap, bez bergäläp möhim eşlär başqarırğa tieş" dide Bush çärşämbe xökümät utırışınnan soñ.
Demokartlarnıñ ixtimal ğämällärenä xäzer Kongressta azçılıqta qalğan respublikannar da borçılu belderä. Şuşı borçuların alar çärşämbe matbuğat oçraşuında söyläde:
"Spiker bulıp saylanğan Pelosi azçılıq xoquqların telgä aldı, Wäkillär pulatı yañaça eşliäçäk dide. Min moña ömetlänäm. Läkin soñğı könnärdä matbuğatta yazılğannar şuña işarä itä: bu tarixi üzgäreşlär bulmas kebek" di Minnesota wäkile respublikan John Kline.
Respublikannarnıñ, xäzer bezneñ tawış işetelmäs dip zarlanuına, ber jurnalist, sez üzegez dä 12 yıl buyına demokratlarnı tomalap kildegez tügelme, dip soradı. Respublikannar, soñğı saylawlarda amerikannar Kongressnıñ yañaça eşläwe öçen tawış birde, axırsı demokratlar moña äzer tügel, digän cawap qaytardı.
Tışqı säyäsät mäsäläsen kongressmennar kütärmäde, Bush ta moña qağılıp qına kitte. Ul kübräk büdjet defitsitın kimetü niätenä basım yasadı. Xärbi çığımanardan qala, başqaları qısqartılaçaq, Bush prezident bulğannan birle bertuqtawsız üsep kilgän büdjet defitsitın 2012 yılğa beterü küzdä totıla.
Ğiraqtağı yaña strategiä turında Bush berni äytmäde. Bu strategiäsen ul kiläse atnada iğlan iter dip kötelä.
Ali Ğilmi
Açuları çıqqan amerikannar ike ay elek ütkän saylawlarda Kongressnıñ ike pulatında da küpçelekne demokratlarğa birde. Wäkillär pulatında Kaliforniädän Nancy Pelosi, Senatta Nevadadan Harry Reid räislek itäçäk. İkese dä demokrat, läkin respublikannar belän xezmättäşlek itergä süz birde.
"Bez tarixi eş başqardıq, xäzer täräqqiät kiräk. Min prezident belän bergäläp eşläwne kötäm" dide Nancy Pelosi - Wäkillär pulatın citäkliäçäk berençe xanım – saylawlardan soñ ike kön ütügä Bush belän oçraşqaç.
Läkin soñraq ul Kongressta äxlaq qağidälären qırıslatu, neft sänäğätenä taşlamalar qısqartu kebek respublikannar qarşı çıqqan mäsälälärne eşneñ berençe könnärendä ük kütäräçägen äytte.
Çärşämbe Wall Street Journal basmasında dönya kürgän mäqäläsendä prezident Bush demokratlarğa birgän wäğdälären islärenä töşerde, üz qaraşların ğına alğa sörmäskä çaqırdı, bu körçekkä kiteräçäk dip kisätte.
"Tarixıbıznıñ şuşı ähämiätle çorında bezneñ barıbızğa da cawaplı wazifa tapşırılğan, säyäsätne çitkä quyıp, kiläçäkkä qarap, bez bergäläp möhim eşlär başqarırğa tieş" dide Bush çärşämbe xökümät utırışınnan soñ.
Demokartlarnıñ ixtimal ğämällärenä xäzer Kongressta azçılıqta qalğan respublikannar da borçılu belderä. Şuşı borçuların alar çärşämbe matbuğat oçraşuında söyläde:
"Spiker bulıp saylanğan Pelosi azçılıq xoquqların telgä aldı, Wäkillär pulatı yañaça eşliäçäk dide. Min moña ömetlänäm. Läkin soñğı könnärdä matbuğatta yazılğannar şuña işarä itä: bu tarixi üzgäreşlär bulmas kebek" di Minnesota wäkile respublikan John Kline.
Respublikannarnıñ, xäzer bezneñ tawış işetelmäs dip zarlanuına, ber jurnalist, sez üzegez dä 12 yıl buyına demokratlarnı tomalap kildegez tügelme, dip soradı. Respublikannar, soñğı saylawlarda amerikannar Kongressnıñ yañaça eşläwe öçen tawış birde, axırsı demokratlar moña äzer tügel, digän cawap qaytardı.
Tışqı säyäsät mäsäläsen kongressmennar kütärmäde, Bush ta moña qağılıp qına kitte. Ul kübräk büdjet defitsitın kimetü niätenä basım yasadı. Xärbi çığımanardan qala, başqaları qısqartılaçaq, Bush prezident bulğannan birle bertuqtawsız üsep kilgän büdjet defitsitın 2012 yılğa beterü küzdä totıla.
Ğiraqtağı yaña strategiä turında Bush berni äytmäde. Bu strategiäsen ul kiläse atnada iğlan iter dip kötelä.
Ali Ğilmi