Bıyıl respublika buyınça “Neçkäbil” bäygese dürtençe tapqır uzdırılaçaq.
“Neçkäbil” bäygese ul- güzäl xatın-qız bäygese. “ Millätneñ kiläçäge- xatın-qızlar qulında” digän qanatlı süzlär berqayçan da üzeneñ aktual''legen yuğaltmas, axrı .
Bıyıl Xäyriä yılında ütkäreläçäk bu bäyge dä , Tatarstan respublikasınıñ şähärlärendä häm rayonnarında yäşägän, kiäwdä häm balaları bulğan xatın-qızlar arasında ütkärelä torğan bäyge. Bäygedä qatnaşıp ciñüçelärgä “İñ Neçkäbil”, “Eşlekle xatın-qız”, “Citeşterüçe xatın-qız”, “Altın Neçkäbil” kebek nominatsiälär tapşırılaçaq.
Bäygene ütkärü nigeznamäsendä, sälämät tormış buldıru yünäleşendä xatın-qıznıñ totqan urını turında cämğiättä fiker tudıru, anıñ , ğailädä estetik zäwıq häm äxlaq tärbiä aşa, keşeleklelekne tärbiäläwdä zur öleş kertüenä iğtibar birü, kiräklege turında äytelä.
Bäygene oyıştıruçılarnıñ maqsatı: yaxşı ğailälärne propagandalau, alarnı nığıtu, ğailädä uñışlı ananıñ nindi buluın kürsätü: ul ğailä uçağın saqlawçı da, - güzäl dä , sälätle dä , maqsatçan da , hönäri belemle dä häm cämğiättä dä aktiv xatın-qız bulırğa tieş .
Bäygeneñ bıyılğı üzençälege turında “Neçkäbil proyektı” nıñ citäkçese İzol''da Juykova menä närsä dide.
“Başqa yıllarğa qarağanda anıñ geografiäse kiñäyde. Bäygelär Älmättä, Tübän Qamada, Çallıda ütte. Alar arasında Zur şirkätlärdän Nijnekamskneftexim, Tatnefttän Pozis zavodlarında başta meñlägän xatın qızlar eşlägän cirlärdä saylap alu turları ütte . Bäygedä qatnaşırğa ä bigräk tä awılda yäşäwçe xatın-qızlar bıyıl küp kilde. Alar Laiştan, Piträç rayonınnın, Qama alanınnan, Tübän Qama rayonnarınnan. Bäygegä kilüçe xatın-qızlar yıldan- yıl kübäyä. Alarnı eşlägän cirlärennän täqdim itälär. Qaysıberläreneñ balaları şaltıratıp äniläreneñ bäygedä qatnaşıp ciñülären telilär. Qazanda MEĞAda saylap alu öleşendä 263 xatın-qız kilgän ide. Yarım finalda 50 keşe qatnaşaçaq , Alardan 20 Qazannan, 30 respublikadan..
Ä menä bäygegä kilgän xatın-qızlarnıñ üzlären tıñlap qarıyq äle.
Alar bäygegä nindi ömetlär belän kilde ikän.
– Üzebezneñ köçebezne sınar öçen kildek. Ciñügä xıyallanasıñ inde. -Bu bäygedä qatnaşu minem öçen nindider ber üzençälekle ber waqiğa bulsın dip kildem. - Yäşise kilä. Bala bäläkäy äle, arıdım. Keşe arasına çığası kilä.
Min üzem Arçadan. Muzıka mäktäbendä uqıtam. İgezäk balam bar. Bik kötep alam , yıl sayın qarıym bäygene. Bäygeneñ yarım finalı ğinwarnıñ soñğı şimbäsendä MEGA säwdä kompleksında ütäçäk. Ä bäygeneñ finalı “Piramida” mädäni üzägendä fevral''dä ütkäreläçäk.
Mälikä Basıyr
