Accessibility links

Кайнар хәбәр

Samar tatarları Şäymievne qotlıy


“Tuğan tel” isemle Samar ölkä tatar cämğiäte, Samar şähäreneñ tatar milli- mädäni möxtäriäte, Samar ölkä dini möftiäte Tatarstan İlbaşı Mintimer Şäymievkä 70 yäşlek uñayı belän zur qotlaw täbriklämäsen yulladılar. Täbriklämädä tübändäge yullar bar:

“Samar töbägendä kön kürep yatuçı meñlägän millättäşlärebez isemennän Sezne oluğ yubileyığız belän täbrikläp, samaralılarnıñ qaynar sälämen tapşırabız.

Menä inde ike distä yıllar däwamında Sez tatarstan Respublikasınıñ berençe citäkçese wazifasın uñışlı başqarıp kiläsez. Bu çordağı Tatarstannıñ iqtisadi häm mädäni üseşe – ul Sezneñ osta citäkçelegegezneñ cimeşe. Aqıllı häm töple säyäsätçe bularaq sez Rossiä külämendä zur däräcägä ireştegez.

Sezneñ Tatarstan İlbaşı bulıp eşläw yıllarığız Watanıbız Räsäyneñ iñ qatlawlı, iñ kisken borılış, iñ butalçıq säyäsi bolğawır çorına turı kilde. Menä şul ğäcäyep çornı Sez säyäsi ziräklek kürsätep qaharmannarça ciñep çıqtığız häm Räsäyneñ zur säyäsätçelären dä tarixi ğädellek ezenä bastıra aldığız.

Sez Bötendönya tatar kongressına nigez saluçı buldığız häm bu oyışma bügen böten cir şarına sibelep yäşägän tatar xalqın berläşterüdä töp rol'ne başqarıp kilä.

Bezgä dä Qazannıñ 1000 yıllığı uñayınnan oyıştırılğan zur bäyrämdä qatnaşu bäxete nasıyp buldı. Barısın da üz küzlärebez belän kürep, bu oluğ şähärneñ kiläçäktä dä böten tatar xalqınıñ ruxi märkäze bulıp toraçağına ışanıç belän qayttıq.

Xörmätle Mintimer Şäripoviç! Oluğ yubileyığız uñayınnan bezneñ Samar töbäge tatarlarınıñ da iñ izge teläklären qabul itegez. Sezneñ äle tağın ber srok Tatarstan Prezidentı bulıp eşläwegezgä ışanabız. Monı Sez buldırasız!”

Tatarstan İlbaşı Mintimer Şäymiewnıñ 70 yäşlege uñayınnan bik cılı eçtälekle qotlawnı Samar gubernatorı Konstantin Titov ta cibärde.

Şamil Bahautdin, Samar

XS
SM
MD
LG