Accessibility links

Кайнар хәбәр

Möselman xatın-qızlar qorıltayğa cıyına


Bu könnärdä Qazanda möselman xatın-qızları ictimaği oyışmasınıñ küçmä utırışları uza. Alar Piträç rayonında, Qazannıñ “Söläyman”, “Dinislam” mäçetlärendä oyıştırıldı. Şuşı arada ğına Qazannıñ 13 kitapxanäsendä cıyın mäcles ütkärde. Älege çaralar aprel' ayında uzaçaq respublikanıñ möselman xatın-qızları qorıltayına äzerlek bulıp tora. Möselman xatın-qızlar ictimaği oyışması citäkçese Älmirä Ädiätullina bu xaqta “Azatlıq” radiosına menä närsälär söyläde.

1917 yılnıñ 24-28 aprel’ könnärendä möselman xatın-qızlarınıñ I Rusiä qorıltayı ütkän. Bıyıl älege çara uzuğa 90 yıl tula. Şuña bağışlap bez bıyıl aprel’ ayında Rusiä möselman xatın-qızlarımıñ qorıltayın oyıştırırğa buldıq. Anıñ maqsatları – bügenge xällär xaqında fikerläşü, cämğiättäge äxlaqsızlıq, global’läşü protsesslarına qarşı toru yulların ezläw

Şulay itep Qazanda aprel’ ayında uzaçaq Rusiä möselman xatın-qızlarınıñ qorıltayına äzerlek bara.

Gölnaz İlgizär

XS
SM
MD
LG