Accessibility links

Кайнар хәбәр

Jurnalistlarnı yaqlaw komitetı matbuğatqa höcümnär turında yıllıq xisabın iğlan itte


Küptän tügel Quşma Ştatlardağı xoquq yaqlaw oyışması Freedom House Dönyada ireklek turındağı yıllıq xisabında Rusiäne Kuba, Liviä, Tönyaq Korea kebek illär belän ber törkemgä kertkän ide.Bu atna başında Jurnalistlarnı yaqlaw komitetı xäbär taratunıñ qurqınıçlı yaqları turında yıllıq xisabın iğlan itte. Anda da Rusiädäge matbuğat torışı zur borçılu belän sürätlänä. 323 bitlek kitap itep çığarılğan bu xisap "2006 yılda matbuğatqa höcümnär" dip atala.

Ognianova elek Sovetlar Berlegendä bulğan illärneñ küpçelegendä matbuğatnıñ xälen qarañğı töslär belän sürätli. Şul uq waqıtta ul ömet birüçe qayber säbäplär dä bar di.

Ognianova iñ zur problema Rusiä di. Rusiädä xakimiätkä Vladimir Putin kilgännän birle 13 jurnalist üterelgän. Häm bu üterülär öçen beräw dä cäzağa tartılmağan.

"Mondıy cäzasızlıq mädäniäte, ul üterülärne açıqlamaw şunıñ belän bergä räsmi tikşerülärne xalıqara ser itep totu Rusiädä korrupsiä, keşe xoquqları kebek näzberek mäsälälärne yaqtırtuçılarnı qurqıta. Әlbättä cäzasızlıq üz-senzurağa kiterä häm üterüçelär üz ğämällären bernindi cäzasız qıla ala, qarşı çığuçılarnıñ awızın ülem belän tomalaw näticäle genä tügel xätta qabul itelä torğan da ğämäl digän täesir qala" dide Ognianova.

Ognianova äytüençä, Rusiädäge mondıy cäzasızlıq anıñ elek sovetlar berlegendä bulğan kürşelärenä, bigräk tä Azärbäycan, Belarus häm Törkmänstanğa dä täesir itä.

Әmma Rusiädä matbuğat iregenä qomaçawlawçı närsä üterüçelärneñ cäzasızlığı ğına tügel. Däwlät barlıq ilküläm radio- televidenielärne kontroldä tota, xäzer inde gazet jurnallarnı da üz qulına aluğa kereşte di Ognianova.

Şulay da ul bıltır üterelgän jurnalist Anna Politkovskaya eşçänlegen prezident Putinnıñ uzğan atnada uñay bäyäläwe häm jurnalistlarnı yaqlarğa wäğdä itüe ömet uyata di.

Dönyadan ayırılıp yäşäwçe Törkmänstanğa Jurnalistlarnı Yaqlaw Komitetı ayırım iğtibar birä. Anda 5 ay elek Saparmurat Niyazov xakimiäte çorında qulğa alınğan Azatlıq radiosı xäbärçese Ogulsapar Muradova tikşerü izolyatorında hälak buldı.

Ognianova Niyazov dikäberdä hawat bulsa da anıñ säyäsäte däwam itär kebek di.

"Niyazovnıñ warisı Gurbağuli Birdemösämmädov anıñ yulınnan barunı däwam itäçägen belderde. Häm qızğanıç ki, bez mäğlümät häm matbuğatnı senzuralaw däwam itär dip kötäbez" dide Ognianova.

Naif Aqmal.
XS
SM
MD
LG