Rusiä Prezidentı Vladimir Putin bu könnärdä eş säfäre belän ğäräp illärendä yöri. Rusiädän barğan delegatsiädä Tatarstan prezidentı Mintimer Şäymievta bar . Er-Riäd ilendä Soğud Garäbstanı patşası Abdalla Rusiäneñ häm Tatarstannıñ prezidentlarına bik abruylı büläklär tapşırdı. Rusiä prezidentı Vladimir Putinğa ul patşalıqnıñ çın duslarına ğına tapşırıla torğan Abdel'' Aziz Ordenı, ä Tatarstan prezidentı Mintimer Şäymievkä islam mädäniätenä kertkän öleşe öçen Feysal korole isemendäge Xalıqara premiäsen tapşırdı.
Rusiä prezidentı Vladimir Putinnıñ ğäräp ilärenä eş säfäre belän
yörüenä sezneñ mönäsäbätegez nindi?-digän sorawğa cawaplar menä mondıyraq buldı:
-Bik waqıtlı häm kötelgän vizit. Kul''tura häm ekonomika yaqlarınnan bezneñ illärgä tığız elemtälär buldıruğa yärdäm itär , dip uylıym.
Yaxşı yörsen äydä. Awıl keşese min. Niçek kiräk şulay eşläsen.
Uñay qaraş. Aralaşıp yäşärgä kiräk.
Äybät yörsennär. Tınıçlıq bulsın, suğış bulmasın inde.
Minemçä, ul döres yöri, ğäräp illäre belän bezgä elemtä totarğa kiräk. Mintimer Şäymiev tä anıñ belän yöri bit. Moñarçı bezneñ ğäräp illäre belän tığız elemtä bulğanı yuq ide bit äle. Xäzerge waqıtta bu bik kiräkle elemtä. Bälki aldağı tormışıbızda berär faydası bulır.
Bezneñ mönäsäbät niçek bulsa da , tıñlamıylar, añlamıylar bezgä yaxşılıq eşlämilär.
Bik yaxşı mönäsäbättä. Eşläre uñ bulsın, xalıq öçen tırışa, härwaqıtta da.
Küptän kiräk ide. İke yaqqa da fayda kiterä torğan dogovorlar tözesennär. Alarda da neft'' bar, bezdä dä, alarda da gaz bar, bezdä dä. Putin - bik yaxşı säyäsätçe.
Min monıñ turında bernärsä dä äytä almıym.
Uñay qarıym. Xäzer möselman dönyasına bik küp illär yöz belän qarıylar bit.
Yörsen, qarasın. Möselmannarnıñ da niçek yäşägänen kürsen. Ul belergä tieş. Rusiä -ul xristiannar ile genä tügel. Monda möselmannar da yäşi . Yaqınça, monda yäşägän xalıqnıñ yartısı xristian dinendä bulsa, yartısı - möselman dinendä.
Mälikä Basıyr
