Accessibility links

Кайнар хәбәр

Röstäm Miñnexanov 50 yäşlegen bilgeli


Äye şul, Tatarstan Premyer-ministrı Röstäm Miñnexanov tügäräk data buluğa qaramastan üze tiräsendä bäyräm ığı-zığısı tudırudan yıraq tordı. “Watanım Tatarstan” gäcite yazuınça, ul ber genä matbuğat çarasına da äñgämä birergä rizalaşmağan häm matbuğat aşa qotlawlarğa da qarşı bulğan. Şuña da qaramastan törle şirqat citäkçeläre, eşmäkärlärneñ Premyer-ministrnı qotlawları aşa gazetalar şaqtıy aqça eşläp aldı. “Vremya i dengi” gazetasınıñ berençe bitendä genä “Sentr Kapital” şirkate citäkçeseneñ täbrikläwe yartı bitkä suzılğan. Läkin alarnıñ bersendä dä Röstäm Miñnexanovnıñ tormış yulı älläni assızıqlanmağan “Zvezda Povolj'ya” gazetasınnan tış.

Äytergä kiräk, Röstäm Miñnexanov Balıq Bistäse rayonınıñ Yaña Arış awılında tuğan. İke yuğarı uqu yortında belem alğan. 78 yılnı Qazan awıl xucalığı institutın , 86нчы yılnı Sovet säwdäse Mäskäw institutı Qazan filialın tämamlağan. 80 yıllar başında Saba rayonı urman xucalığında energetika ölkäsendä eşlägän. Annan soñ Sabada rayon qullanuçılar cämğiätendä idärä räise bulğan. Näq şul yıllarda anıñ citäkçelek xezmäte başlana. “Zvezda Povolj'ya” gazetası “Kredo Minnexanova” yazmasında yazuınça, bu Mintimer Şäymievneñ TASSRdağı ministrlar Şurası räiseneñ berençe urınbasarı bulıp bilgelängän çağına turı kilä. Häm Röstäm Miñnexanovnıñ kiläçäk yazmışı näq Prezident Mintimer Şäymievneñ yoğıntısı zur bula. İkençe törle äytkändä, ul anıñ “säyäsi atasına” äylänä. Mintimer Şäymiev yuğarıdan-yuğarığa ürmälägän sayın Nurğali äfändeneñ urtançı ulı da anardan qalışmıy.

1985нче yıldan başlap Röstäm Miñnexanovnıñ tormışı Arça belän bäylänep kitä. 5 yıl däwerdä Arça rayon qullanuçılar cämğiätendä idarä başlığı, ä annan soñ rayon başqarma komitetı räise bula. 92-93 yılnı inde ul Arçanı xaqimiät başlığınıñ berençe urınbasarı wazıyfasın başqara. Bu waqıtta, yäğni 90нчы yıllardan Şäymiev inde Tatarstannı citäkçese bula.

Bilgele, babay üz tiräsenä maqsatçan, eş söyçe keşelärne cıya, Röstäm Miñnexanov ta näq şunıñ belän aldıra. Qırıs tatar ğailäsendä üskändä ük eç bertuğan Minnexanovlarğa ataları eşçän bulırğa öyrätä. Nurğali äfände urtançı ulı Röstämgä härwaqıt zur ömetlär bağlıy, xätta anı “zıyalı ul” dip tä atıy. Şul uq waqıtta xalıq söyläwläre buyınça, Röstäm Miñnexanov bik şayan - şuq bala bulğan, mäktäptä uqığanda belem aluğa älläni ise kitmägän. Küp närsägä ul üzeneñ tırışlığı näticäsendä ireşä. Finans ministrı, annan soñ, yäğni 98нче yıldan Xökümät başlığı bulğanda ul Rusiä, Tatarstan külämendä dä abruyğa qazana. Monda aña töple, nıq süzdä tora belüe, wäğdä itkänen härwaqıt başqaruı yärdäm itä. Häm

Röstäm Miñnexanov üz tiräsendäge yaqın keşelärdän dä şunı taläp itep Xökümättä köçle komanda buldırdı. Pänceşämbe könne Röstäm Miñnexanov tuğan könen “Timerxan” restoranında uzdıra. Anda 200ләп keşe çaqırılu.

Landış Xarrasova

XS
SM
MD
LG