Accessibility links

Кайнар хәбәр

Qıtay başlığı watandaşların kürep ğäcäplände


Çärşämbe könne Qıtay Xalıq Respublikası Räise Xu Szin'tao, Tatarstan Prezidentı Mintimer Şäymiev belän Qazan däwlät universitetında bulğanda, anda Qıtaydan kilgän studentlar da cıyılğan ide.

Bügenge köndä Qıtaynıñ Qılca häm Urıymçı şähärlärennän kilgän 28 yäş millättäşebez Qazannıñ 5 yuğarı uqu yortında belem ala. Alar Tatarstan başqalasına 2005нче yılnı kilgännär ide. 1 yıl tatar häm rus tellären üzläşterep xäzerge waqıtta Tatarstan qaznası xisabına yuğarı uqu yortlarda belem alalar. Küpläre Qazan däwlät universitetında uqı.

Çärşämbe könne Qıtay Xalıq Respublikası Räise Xu Szin'tao Qazan däwlät universitetında bulğanda, anıñ belän oçraşuğa qıtay studentları häm Qıtaydan kilgän tatar studentları bulğan. Älege oçraşuda qatnaşqan texnologiä universitetınıñ ciñel sänğät fakul'tetınıñ berençe kurs studentı Qaharman Ğalimov:

Min iñbaşlığı kilgänen televizordan beldem. İrtä belän KDUda oçraşu bulaçağın beldem häm şunda bardım.

Oçraşuda barlığı 17гә yaqın tatar studentları bulğan. Qazan däwlät universitetınıñ tatar filologiäse fakul'tetınıñ alman bülegendä belem aluçı Gölçaxra İmam iñbaşlıqları alar yanında tuqtalır dip hiç uylamağan. Gölçaxra İmam:

Min Xu Szin'tao belän qıtayça isänläştem dä, ul miña: “Sin qaydan şulay qıtayça yaxşı beläseñ”, - dide. Min aña Qıtaydan kilep qayda uquımnı äytte. Qıtayda inde universitet beterep kilüemne belderdem. Ul miña şundıy küp tellär öyränüemä soqlanu belderde.

Tatarstan Prezidentı Mintimer Şäymiev minem belän rusça isänläşkäç min aña tatarça cawap birdem. Ul isä aptıradı.

Gölçaxra İmam Qıtay iñbaşı Xu Szin'tao bezne kürep aptıradı di . Alar Qıtay, Tatarstan, Rusiä bayraqlar belän basıp torğannar. Şiğar'lär yazılğan plakatlar qıtayça ğına bulu säbäple, alarnı xoquq saqlawçılar kürsätergä röxsät itmägännär.

Gölçaxra isä Qıtaydan kilgän studentlarnıñ barısı da ike iñbaşlığın kürä aluına şatlanuın äytte. Çönki Qıtaynıñ üzendä bu hiç mömkin bulmas ide di.

Landış Xarrasova

XS
SM
MD
LG