Ğiraq parlamentı binasındağı şuşı şartlaw, Bagdadta kön sayın diärlek bulıp torğan başqaları tösle ük kinät kenä, kötelmägändä buldı, ämma bu yulı anıñ berniçä üzençälege dä bar ide. Berençedän, anıñ tawışı tasmağa yazıldı, şartlaw aldınnan ğına äl-Hurra televideniäse parlament binasında deputatlarnıñ berse belän äñgämä yazdırıp torğan bulğan.
Şartlawnıñ ikençe, küpkä möhimräk üzençälege şunda ki, ul bar Ğiraqta iñ qatı itep saqlanğan urında - başqala Bagdadnıñ Yäşel zonasında buldı. Anda ilneñ bar citäkçel oyışmaları urnaşqan, häm anı Ğiraq ğäskäriläre belän bergä amerikannar citäkçelegendäge berektäşlek köçläre dä saqlıy. Şuña kürä dä terror ğämäleneñ inde andıy urında oyıştırıluı küplärneñ küñelenä zur şom saldı - intixar höcümçeneñ şaqtıy imin sanalğan zonağa ütep kerüe citdi sorawlar uyata.
Comğa könne Ğiraq parlamentı üzeneñ maxsus utırışında näq menä şul sorawlarğa cawap ezläde. Häm älegä möhim ber näticägä kilde - şartlaw terror qurqınıçınıñ Ğiraqtağı bar xalıqqa da, şul isäptän deputatlarğa da bertigez yanawın kürsätä. Parlament citäkçese Mäxmüt äl-Mäşhädäni:
"Şartlaw deputatlar häm alarnı saylağan xalıq arasındağı tığız bäyläneşne, bezneñ barıbıznıñ da ber arbada ikänlegebezne kürsätte. Ğadi xalıqqa kön sayın bulıp tora torğan höcümnär, bezgä qarşı yasalğanına qarağanda küpkä yamanraq. Soñğı şartlaw deputatlarnıñ täwäkällegen köçsezländermäyäçäk, kiresençä, ul alarnıñ terror yanawına qarşı ixtiarın arttıraçaq", di Ğiraq parlamentı citäkçese kiçäge şartlawnıñ mömkin sözemtäläre turında.
İntixar höcümçeneñ niçek itep Yäşel zonağa ütep kerä aluı inde tikşerelä başladı. Bu berniçä köngä, xätta atnalarğa suzıla ala, ämma xäzerdän ük inde qayber qızıq detal''lär açıqlana. Ğiraq premyer-ministrınıñ däwlät iminlege kiñäşçese Mö''äffaq äl-Rubai süzlärenä qarağanda, parlamentnıñ üz iminlek xezmäte bar, anıñ isä başqa iminlek buınnarı belän araları şäptän bulmağan ikän. "Bez alarğa, yäğni parlamentnıñ iminlek xezmätenä, saqlanu eşlären bezgä birüne täqdim itkän idek, ämma alar monı kire qaqtı", di äl-Rubai.
Östäwenä, deputatlar üzläre dä ayırım tänsaqçıları tota, alar safına ğädättä tuğan-tumaçasın, yaqınnarın cälep itä. Bu yış qına törle deputatlarnıñ şul tänsaqçıları arasında ärepläşülärgä, tartqalaşularğa kiterä. Alar binağa kergändä yış qına üzläreneñ tikşerelüenä qarşı çığa. Häm qayber belgeçlär, intixarçı höcümçe parlament binasına näq menä şulay utep kerä ala digän faraz belderä.
Kärim Kamal
Şartlawnıñ ikençe, küpkä möhimräk üzençälege şunda ki, ul bar Ğiraqta iñ qatı itep saqlanğan urında - başqala Bagdadnıñ Yäşel zonasında buldı. Anda ilneñ bar citäkçel oyışmaları urnaşqan, häm anı Ğiraq ğäskäriläre belän bergä amerikannar citäkçelegendäge berektäşlek köçläre dä saqlıy. Şuña kürä dä terror ğämäleneñ inde andıy urında oyıştırıluı küplärneñ küñelenä zur şom saldı - intixar höcümçeneñ şaqtıy imin sanalğan zonağa ütep kerüe citdi sorawlar uyata.
Comğa könne Ğiraq parlamentı üzeneñ maxsus utırışında näq menä şul sorawlarğa cawap ezläde. Häm älegä möhim ber näticägä kilde - şartlaw terror qurqınıçınıñ Ğiraqtağı bar xalıqqa da, şul isäptän deputatlarğa da bertigez yanawın kürsätä. Parlament citäkçese Mäxmüt äl-Mäşhädäni:
"Şartlaw deputatlar häm alarnı saylağan xalıq arasındağı tığız bäyläneşne, bezneñ barıbıznıñ da ber arbada ikänlegebezne kürsätte. Ğadi xalıqqa kön sayın bulıp tora torğan höcümnär, bezgä qarşı yasalğanına qarağanda küpkä yamanraq. Soñğı şartlaw deputatlarnıñ täwäkällegen köçsezländermäyäçäk, kiresençä, ul alarnıñ terror yanawına qarşı ixtiarın arttıraçaq", di Ğiraq parlamentı citäkçese kiçäge şartlawnıñ mömkin sözemtäläre turında.
İntixar höcümçeneñ niçek itep Yäşel zonağa ütep kerä aluı inde tikşerelä başladı. Bu berniçä köngä, xätta atnalarğa suzıla ala, ämma xäzerdän ük inde qayber qızıq detal''lär açıqlana. Ğiraq premyer-ministrınıñ däwlät iminlege kiñäşçese Mö''äffaq äl-Rubai süzlärenä qarağanda, parlamentnıñ üz iminlek xezmäte bar, anıñ isä başqa iminlek buınnarı belän araları şäptän bulmağan ikän. "Bez alarğa, yäğni parlamentnıñ iminlek xezmätenä, saqlanu eşlären bezgä birüne täqdim itkän idek, ämma alar monı kire qaqtı", di äl-Rubai.
Östäwenä, deputatlar üzläre dä ayırım tänsaqçıları tota, alar safına ğädättä tuğan-tumaçasın, yaqınnarın cälep itä. Bu yış qına törle deputatlarnıñ şul tänsaqçıları arasında ärepläşülärgä, tartqalaşularğa kiterä. Alar binağa kergändä yış qına üzläreneñ tikşerelüenä qarşı çığa. Häm qayber belgeçlär, intixarçı höcümçe parlament binasına näq menä şulay utep kerä ala digän faraz belderä.
Kärim Kamal