Rusiäneñ berençe prezidentı wafat bulu xäbären anıñ tuğan yağı – Ural cirendä tetränü belän qarşı aldılar. Sverdlovski ölkäse gubernatorı Eduard Rossel, Yekaterinburg şähäre xakimiäte başlığı Arkadi Çernetskiy bügen irtän Boris Yeltsinnıñ ğailäseneñ häm yaqınnarınıñ tirän qayğısın urtaqlaşıp, Mäskäwgä telegramma cibärdelär. Alar irtägä Mäskäwgä, Boris Yeltsinnı soñğı yulğa ozatu öçen barırğa cıyınuların belderdelär.
Gubernator Eduard Rossel Boris Yeltsinnı Sverdlovski ölkäse häm böten Rusiä üseşe öçen üzennän binihaya zur öleş kertkän mäşhür säyäsätçe, böyek citäkçe dip atadı. “Anıñ bu tormıştan kitüe minem öçen tirän tetränü genä tügel, olı şäxsi qayğı da”, - dip belderde Rossel. Gärçä, uylap qarasañ, Eduard Rossel Ural respublikası tözü ideyäse belän yanıp yörgän yıllarda aña ayaq çaluçı da, ölkä citäkçelegennän azat itüçe dä Boris Yeltsin ide. Bu quätle, “awır ülçämle” ike säyäsätçe arasındağı mönäsäbät berqayçan da ğadi bulmadı. Şuña qaramastan, Eduard Rossel Boris Yeltsinnıñ olı abruyın härwaqıt tanıp kilüen belderde.
Ğomumän alğanda, Boris Yeltsinğa qarata bulğan mönäsäbät Ural keşeläre arasında bik qarşılıqlı buldı. Bigräk tä anıñ tuğan awılı – Sverdlovski ölkäse, Talitsa rayonı Butqa digän cirdä mäşhür yaqtaşların bik iskä alırğa yaratmıylar. Äle isän çağında uq anıñ belän ğorurlanu digän närsä kürenmi ide. Boris Yeltsin elekkege Sverdlovski şähärendä üzenä säyäsi ürlär yaulıy başlağan yıllarınnan uq awıldaşların onıtqan digän süzlär küp buldı. Menä xäzer dä, anıñ tuğan awılında qalğan berdänber yaqın keşese – ike tuğan ir tuğanı Stanislav Glebov Mäskäwgä märxümne kümü seremoniäsenä barmayaçağı turında açıqtan-açıq belderde. “Ülgän-ülgän inde. Bu awır xäbär bulsa da, bezgä ciñelräk bulıp kitte. Eşlägän cinayätläre öçen sud aldında cawap birergä ölgermäde – şunısı ayanıç”, - dip cawap birde ul jurnalistlar sorawlarına.
Xalıq arasında Çeçnya suğışı, teraktlar, ber ğayıpsezgä qoyılğan qannarnıñ näq menä Yeltsin idarä itkän waqıtqa turı kilüe arqasında anı cinayätçe dip atawçılarnı oçratırğa bula. Ämma kürenekle säyäsätçelär bilgeläp ütkänçä, berençe prezident Boris Yeltsinnıñ idärä itü waqıtı bik qatlawlı yıllarğa turı kilde. Cämğıätneñ iñ köçle üzgäreş yıllarında ul xalıqqa iñ citmägän, iñ qaderle äyber – ireklek birde, dilär alar. Ul irekne faydalana almawçılar küp buluı, anısı inde ikençe mäs''älä. “Tirän krizisqa batqan ilne sazlıqtan çığaru öçen küpme ixtıar köçe, küpme aqıl, küpme ziräklek kiräk bulğandır. Ni genä dimäsennär, tormıştan köçle politik, ğadi bulmağan şäxes, böyek üzgärtep qoruçı kitte”. Yekaterinburg şähäre uramında oçrağan keşelärdän soraştıru waqıtında küplär şulay dip cawap birdelär.
Fäwiä Safiullina,Yekaterinburg
Gubernator Eduard Rossel Boris Yeltsinnı Sverdlovski ölkäse häm böten Rusiä üseşe öçen üzennän binihaya zur öleş kertkän mäşhür säyäsätçe, böyek citäkçe dip atadı. “Anıñ bu tormıştan kitüe minem öçen tirän tetränü genä tügel, olı şäxsi qayğı da”, - dip belderde Rossel. Gärçä, uylap qarasañ, Eduard Rossel Ural respublikası tözü ideyäse belän yanıp yörgän yıllarda aña ayaq çaluçı da, ölkä citäkçelegennän azat itüçe dä Boris Yeltsin ide. Bu quätle, “awır ülçämle” ike säyäsätçe arasındağı mönäsäbät berqayçan da ğadi bulmadı. Şuña qaramastan, Eduard Rossel Boris Yeltsinnıñ olı abruyın härwaqıt tanıp kilüen belderde.
Ğomumän alğanda, Boris Yeltsinğa qarata bulğan mönäsäbät Ural keşeläre arasında bik qarşılıqlı buldı. Bigräk tä anıñ tuğan awılı – Sverdlovski ölkäse, Talitsa rayonı Butqa digän cirdä mäşhür yaqtaşların bik iskä alırğa yaratmıylar. Äle isän çağında uq anıñ belän ğorurlanu digän närsä kürenmi ide. Boris Yeltsin elekkege Sverdlovski şähärendä üzenä säyäsi ürlär yaulıy başlağan yıllarınnan uq awıldaşların onıtqan digän süzlär küp buldı. Menä xäzer dä, anıñ tuğan awılında qalğan berdänber yaqın keşese – ike tuğan ir tuğanı Stanislav Glebov Mäskäwgä märxümne kümü seremoniäsenä barmayaçağı turında açıqtan-açıq belderde. “Ülgän-ülgän inde. Bu awır xäbär bulsa da, bezgä ciñelräk bulıp kitte. Eşlägän cinayätläre öçen sud aldında cawap birergä ölgermäde – şunısı ayanıç”, - dip cawap birde ul jurnalistlar sorawlarına.
Xalıq arasında Çeçnya suğışı, teraktlar, ber ğayıpsezgä qoyılğan qannarnıñ näq menä Yeltsin idarä itkän waqıtqa turı kilüe arqasında anı cinayätçe dip atawçılarnı oçratırğa bula. Ämma kürenekle säyäsätçelär bilgeläp ütkänçä, berençe prezident Boris Yeltsinnıñ idärä itü waqıtı bik qatlawlı yıllarğa turı kilde. Cämğıätneñ iñ köçle üzgäreş yıllarında ul xalıqqa iñ citmägän, iñ qaderle äyber – ireklek birde, dilär alar. Ul irekne faydalana almawçılar küp buluı, anısı inde ikençe mäs''älä. “Tirän krizisqa batqan ilne sazlıqtan çığaru öçen küpme ixtıar köçe, küpme aqıl, küpme ziräklek kiräk bulğandır. Ni genä dimäsennär, tormıştan köçle politik, ğadi bulmağan şäxes, böyek üzgärtep qoruçı kitte”. Yekaterinburg şähäre uramında oçrağan keşelärdän soraştıru waqıtında küplär şulay dip cawap birdelär.
Fäwiä Safiullina,Yekaterinburg