Klassta tatarça söyläşäbez. Urısça urıslar belän genä. Uramda da tatarça, öydä dä tatarça söyläşäbez. di 95- nçe mäktäpneñ 9- nçı sıynıfında uquçı Marsel', Dinar, Ayrat.
Bäyrämgä Tuqay kiterä. Anı sağınıp, yaratıp kiläbez.
-Tuğan tel bäyräme dip tä kiläbez bit äle. Üzebezneñ telebezne yaqlap kiläbez inde. dide 77 yäşen tutırğan Miñlebikä apa. Bäyräm Tuqayğa çäçäklär salu belän başlandı. Yazuçılar berlege räise İlfaq İbrahimov bu bäyrämne Sabantuyın kötkän kebek kötep alabız, dip başlap cibärde. Tatarstan xökümäte citäkçese urınbasarı, mädäniät ministrı Zilä Wälieva çit töbäklärdän kilüçelärne dä sälämlägäç, Prezident Şäymievneñ qararı belän tanıştırıp Tuqay bülägenä iä buluçılarnı iğlan itte.
Moña qädär icat itkän äsärläremä xalıq tarafınnan, citäkçelär tarafınnan şundıy bäha birelgän ikän, bu quanıçım. Minem icatımnıñ ber öleşe. Xäzer berençe klassnı üttek. İmtixan tapşırdıq. Xäzer inde alğa barırğa kiräk. Yaña äsärlär yazarğa kiräk.
dide yazuçı, şağir cämäğät eşleklese Razil Wäliev. Sınçı Rada Niğmätullina bu büläkkä min ğömerem buyı kildem, dide.
Bik zur miña quanıç qart könemdä min alıştıruçılar bar. Qızlarım bik talantlı. Xäzer alar minem bik zur terägem. Minem zur ışanıçım. Alar arttırıp yasayaçaq alar.
2007 yılnıñ Tuqay bülägenä layıq bulğan kompozitor Räşit Kälimullin isä, bügenge köndä zur külämle äsär östendä ikän.
Zur simfonik äsär östendä eşlim. Bu bezneñ respublika turında, bezneñ tatar xalqı turında.
Şiğriät bäyräme, Marat Mölekov isemendäge Tatar ictimaği üzäge räise Yunıs Kamaletdinov äytüençä, xalıq fikeren belderü çarası da äle ul. Üzäk wäkilläre “Tuqaynı bez tatarğa Alla üze birgän”, “Yazuçılar oyışması qayçan qurqudan tuqtar”, “Tatar üz teleñä bitaraf bulma” häm Milli universitetnıñ açılmawına, latinnıñ kertelmäwenä borçılu yazılğan şiğar'lär kütärgän ide. Şiğriät bäyräme, şağirlär üzläre äytüençä “Şiğriät Sabantuyına” äylände. Säxnägä kütärelgän härkem yaña icat cimeşe belän tanıştırdı.
Nail Alan
