Accessibility links

Кайнар хәбәр

Samar biznesmenı Xäydär Safiullin tuğan awılnıñ 2800 gektar ciren arendağa aldı


Samar ölkäsendä awıllar beräm – beräm yuqqa çığalar. Säbäbe bik ğadi. Kolxozlarnı tarattılar, terlek- tuar fermaları işelde, kümäk xucalıq cirlären şaqmaqlap büldelär dä, käğäzdä här krästiän cir milkeneñ xucası bulıp qaldı. Läkin dä bu cirlärne berkem dä sörmi dä, çäçmi dä. Ä cir çäçelmägäç, awıl ülä. Yaña Yärmäk awılında tuıp üskän Xäydär Safiullin Samarda uñışlı ğına üz biznesın cäyelderde. Ä menä tuğan awılınıñ küz aldında ülüenä çıdıy almıyça, awılnıñ 2800 gektar ciren arendağa aldı. Cirlärne sörderde, çäçterde häm awılda tawıq çebeşläre, ürdäk, qaz bäbkälären çığara torğan inkubator açıp cibärde. Beryulı 45000 tawıq çebien çığaralar Yaña Yärmäktä, yortta ber meñ ap- aq qaz kötüe qiğıldaşa, ber meñ çuar ürdäk baqıldaşa. Kürşe İske Yärmäklelär kürşelärenä könläşep, Xäydär äfändedän ütenep alarnıñ cirlären dä üzeneñ qanatı astına aluın ütendelär, häm Xäydär Safiullin aldı da. Xäydär äfändeneñ yaqın xıyalı - ike Yärmäk qırların da eşkärtep, igen üsterü. Läkin dä aşlıqnı satu tügel, ä şul börtekne aşatıp 50000 tawıq totu, bişär meñ qaz, ürdäk üsterü.

Xäydär Safiullin İske Yärmäktä 400 eş urının buldırunı maqsat itep quyğan. Ä bu inde mäktäp tulı bala digän süz. Samar ölkäsendä şundıy zur mäşäqätne üz östenä alğan berdänber keşe – ul Xäydär Safiullin.

Şamil Bahautdin, Samar

XS
SM
MD
LG