160tän artıq millät wäkilläre yäşägän Rusiädä soñğı yıllarda millät ara näfrät häm faşizmğa qarşı çaralar kürelä, dielgän Yevropa Şurası xisabında. Cinäyätlärneñ faş itelüe – çaralarnıñ berse, di Şura äğzaläre. Biredä uñay bäyä birü tämamlana, qalğanı barısı da – yaman küreneşlär...
Şuranıñ ministrlar komitetı, Rusiädä azçılıq millätlärne yaqlaw turındağı qanunnar ğamäldä eşlämi, dip sanıy. Däwlätneñ milli mädäniätlärne üsterügä bülep birgän aqçası – citärlek tügel. Räsmi mäğlümatlärgä qarağanda Rusiäneñ 10 meñnän artıq mäktäbendä balalar 75 teldä belem ala. Qayber millät balalarına ana tellärendä belem alu mömkinçelege bötenläy yuq.
Rusiädä xökümättän bäysez oyışmalar eşçänlegen çikläwçe yaña qanunnıñ ğamälgä kerüe belän – il buylap milli azçılıqlar belän eşläwçe 2 meñgä yaqın ictimaği oyışma yabıldı, 560 milli mädäni möxtariät üz eşlären tuqtatırğa mäcbür ide. Milli tellärdä çığuçı mäğlümat çaralarınıñ da nindi xäldä buluın tıñlawçılarıbız yaxşı belä. Rusiädäge berdän ber däwlät tele bulğan rus telen üsterü turındağı qanun – azçılıq tellärenä üseş mömkinlege qaldırmadı, dielä Yevropa Şurası xisabında.
Şura äğzaläre bigräk tä Tönyaq Kavkazdağı köç qullanu häm millätlärneñ ezärleklänüen tikşerergä çaqıra.
Soñğı 5 yılda Rusiädä milli näfrät cinäyätläre artıp kitkän. Mäğlümat çaraları häm räsmilär äle dä rasaçıl cinäyätlärneñ artuın tanırğa häm çaralar kürergä aşıqmıy, dielä xisapta.
Yevropa Şurasınıñ bu belderüennän soñ ber ni dä üzgärmäskä dä mömkin. Xisapnı ğamälgä aşıru – Rusiägä basım yasaw mexanizmı yuq. Ämma Yevropa Şura äğzase häm Milli Azçılıqlarnı yaqlaw kileşüenä kergän äğza bularaq, Rusiä üz wazifaların ütärgä tieş, di Yevropa Şurası äğzaläre.
Alsu Qormaş
Şuranıñ ministrlar komitetı, Rusiädä azçılıq millätlärne yaqlaw turındağı qanunnar ğamäldä eşlämi, dip sanıy. Däwlätneñ milli mädäniätlärne üsterügä bülep birgän aqçası – citärlek tügel. Räsmi mäğlümatlärgä qarağanda Rusiäneñ 10 meñnän artıq mäktäbendä balalar 75 teldä belem ala. Qayber millät balalarına ana tellärendä belem alu mömkinçelege bötenläy yuq.
Rusiädä xökümättän bäysez oyışmalar eşçänlegen çikläwçe yaña qanunnıñ ğamälgä kerüe belän – il buylap milli azçılıqlar belän eşläwçe 2 meñgä yaqın ictimaği oyışma yabıldı, 560 milli mädäni möxtariät üz eşlären tuqtatırğa mäcbür ide. Milli tellärdä çığuçı mäğlümat çaralarınıñ da nindi xäldä buluın tıñlawçılarıbız yaxşı belä. Rusiädäge berdän ber däwlät tele bulğan rus telen üsterü turındağı qanun – azçılıq tellärenä üseş mömkinlege qaldırmadı, dielä Yevropa Şurası xisabında.
Şura äğzaläre bigräk tä Tönyaq Kavkazdağı köç qullanu häm millätlärneñ ezärleklänüen tikşerergä çaqıra.
Soñğı 5 yılda Rusiädä milli näfrät cinäyätläre artıp kitkän. Mäğlümat çaraları häm räsmilär äle dä rasaçıl cinäyätlärneñ artuın tanırğa häm çaralar kürergä aşıqmıy, dielä xisapta.
Yevropa Şurasınıñ bu belderüennän soñ ber ni dä üzgärmäskä dä mömkin. Xisapnı ğamälgä aşıru – Rusiägä basım yasaw mexanizmı yuq. Ämma Yevropa Şura äğzase häm Milli Azçılıqlarnı yaqlaw kileşüenä kergän äğza bularaq, Rusiä üz wazifaların ütärgä tieş, di Yevropa Şurası äğzaläre.
Alsu Qormaş