Accessibility links

Qazanlılar öçen Lufthansa oçqıçları qiybat häm yulı da uñay tügel


Damir İsmäğıylevqa eş belän dä küp oçarğa turı kilä, çit illärgä yalğa da yörergä yarata ul. Lyufhanze oçqıçlarına utırıp Frankfurtqa, Zurichqa, Munhenğa häm Europanıñ başqa şähärlärenä barğan. Bu oçqıçlar belän yulğa çığu

Bik uñaylı tügel. Çönki başqa mömkinlek yuq. Qazannan Frankfurtqa turı oçsa bik uñaylı bulır ide. Samarga töşep, küp waqıt uzğanğa kürä qıyınlıq tua. Keşe arıy. Säğät waqıtı küp.

Lufthansa oçqıçları Rusiäneñ 9 şähärenä Mäskäw, Peterbur, Tübän Novgorod, Qazan, Samara, Perm, Dondağı Rastov, Ufa, Ekaternburğa kilä. Yulçılarnıñ bu şirkätne üz itüe isemlegendä Qazan berençe bişlekkä kermi älegä, di Lufthansa wäkilläre.

Bez 2008 yıldan da irtäräk Qazanğa turı oçışlar oyıştıra almıybız. 2007 yılda şirkät yaña oçqıçlar alaçaq. Qazanğa turı oçarğa texnik mömkinleklär, yäğni oçqıçlar citeşmi.

di Lufthansanıñ Tatarstandağı menedjerı urınbasarı Aleksandra Roysikova. Älegä oçqıçlar Qazanğa atnağa 4 tapqır Samar aşa kilä. Qazannan Yevropağa baruçı yulçığa, xäyran ğına waqıtın äräm itep, başta kire yaqqa Samarağa barırğa, andağılar utırğannı kötärgä turı kilä. Lufthansa şirkäte oçqıçı belän Qazanğa oçqanda da şul uq xäl, bu timer qanatlı qoş başta Samarğa kilgänlektän, anda passajirlar töşkänne kötep utırırğa, annarı ğına Qazanğa qaytıp jitergä mömkin. Ni öçen oçqıç Frankfurttan Samarağa kilep, anda samarlılarnı töşerep häm yañaların alıp, Qazanda tuqtağaç turı ğına Yevropa üzägenä qaytıp kitmi soñ? İqtisadıy yaqtan da, Qazanlılar öçen waqıt yağınnan da faydalıraq bula tügelme? Lufthansa öçen passajirlar kübebräk bulğan şähärdän utıruçılarğa yulnı caylı itü ähämiätleräk ikän. Yulçılarnıñ 60 protsentı Samarağa kilüçelär häm kitüçelär. Çönki

Samarda VAZ, MAZ häm dä ital'yannar belän urtaq şirkätlär bulğanğa kürä yulçılar da kübebräk. Ämma alarnıñ kübese çit il watandaşları.

di Roysikova. Ä Qazanğa kilgändä isä, Lufthansa belän yulğa çıqqannarnıñ 40 protsentın ğına eş säfärenä baruçılar täşkil itä ikän. Säfär aldınnan tege, yäisä bu şirkätne saylağanda xäzer Rusiälelär dä hawa alannarınıñ caylı, terkälü, pasport kontrole uzu urınnarınıñ qulay, ber süz belän äytkändä servisqa zur iğtibar itä başladı.

Qazan hawa alanınınıñ nindi buluı turında min bötenläy endäşmim. Samaradağı aeroport ta bik şäplärdän tügel.

di Lufthansa wäkile. İdelneñ yuğarı öleşe häm Tatarstan töbäge mödire Manferd Rozental'ne dä Qazan hawa alanındağı tamojnya häm çik buyı kontrolendäge su buyı çiratlar borçıy ikän. Bu xaqta ul “Vremya i dengi” gazetasındağı mäqälädä äytä.

Lyuftganzanıñ Tatarstandağı bülege 15- läp Turşirkät belän eşli. Alarğa alman şirkäte oçqıçlarına biletlar satu xoquqı birelgän. Alar yalğa baramı, ällä eş säfärenäme, bezdä andıy mäğlümätlär yuq, di Lufthansa wäkile. Ozaqlamıy Qazanda uzaçaq ike zur çara: Europanıñ üseş bankı aksionerlarınıñ cıyılışına häm YUNESKOnıñ Bötendönya mirası şähärläre konferensiäsenä kilüçelärgä dä Lufthansa xezmät kürsätäçäk. Älegä qädär bulğan atnasına 4 reysqa tağın östämä räweştä 4 oçqıç cibäreläçäk.

Tatarstanlılar älegä Lufthansa oçqıçların bik üz itmi. Yalğa cıyınuçılar isä, Mäskäwgä barıp, başqa arzanlı şirkätlärneke belän oçıp kitüne qulaylıraq kürä. Annan da qala Törkiä, Gretsiä, Misır, Ğäräp Ämirleklärenä baruçı turı Qazannan kitä torğan çarterlar populyar bulıp tora. Salawat tur şirkäte wäkilläre dä, älegä Lufthansa oçqıçları ul aqçalılar öçen qulay. Rusiädä çit illärdä yal itergä telägännär küp, ä kereme küp bulğannar häm şäxsi turlar aluçılar alay küp tügel şul, dide. Lufthansa oçqıçlarında baru, ğomumän alğanda Qazanlılar öçen qıybatlı yul bulıp isäplänä. Frankfurtqa Qazannan iñ arzan bilet 407 euro tora. Turı elemtä urnaşsa, bäyälärgä dä waqıtnıñ canğa qaluında da uñay yoğıntı yasar ide digän ömet bar.

Nail Alan.

XS
SM
MD
LG