Bu könnärdä Qazanda Yevropa tözekländerü häm üseş bankı idäräçelär Şurasınıñ yıllıq utırışı belän bäyle çaralar uzdı. Anda şulay uq İslam üseş bankı wäkilläre dä qatnaştı. Bilgele bulğança, Tatarstan Rusiä belän İslam dönyası arasında küper rolen uynıy. Şul uñaydan, küp kenä proyektlar näq Tatarstanda eşlänä. İslam üseş bankı citäkçese Äxmät Möxämmät Ali da bu könnärdä Qazanda bulğanda anıñ belän törle oçraşular uzdı häm kiläçäk xezmättäşlek turında süz bardı.
İslam üseş bankı citäkçese - Äxmät Möxämmät Alinıñ Qazanğa älege berençe tapqır ğına kilüe. Älege bank Tatarstandağı Rusiä İslam universitetın tözekländerügä aqçalata yärdäm itkäne dä mäğlüm. İslam bankı Xökümätаra kredit birü oyışması bularaq 1975нче yılnı uq açıldı. Ayırım alğanda, bankqa İslam konferensiäse Oyışması äğzaları bulğan illär kerä. Xäzerge waqıtta barlığı 56 däwlät. Häm İslam üseş bankı barlığı 45 milliard dollar aqça tuplağan. Älege bank protsentsız kredit birüe mäğlüm. Anıñ citäkçese Äxmät Möxämmät Ali Tatarstan başqalasına kilgäç, berençe bulıp Qazan citäkçeläre İl'sur Metşin, Marat Zahidullov belän oçraştı. Älege oçraşuda qaralğan mäs'älär turında Marat Zahidullov :
Kiläçäk xezmättäşlek turında süz bardı. Respublikanıñ berär bankında İslam täräzäsen açu qarala. Şunıñ buyınça söyläşü öçen bezne Soğud Ğ ärabstanına çaqırdılar. Anda baru küzdä totıla.Äytergä kiräk, 2005нче yılnı İslam bankınıñ Alma -atadağı wäkillege belän Qazan inde kileşü imzalanğan ide. Anda Tatarstan başqalasında İslam bankı yärdämendä konferensiä uzdıru qaralğan bulğan. Ayırım alğanda, ul oçraşular şähär proyektlarına aqçalata yärdäm itü öçen ğäräp illärennän eşmäkärlärne cälep itärgä bulışır dip farazlana. Monnan tış, bu oçraşuda urtaq sotsial' proyektlarnı tormışqa aşıru öçen kredit yunäleşen açu küzdä totıla. Şulay uq inde Marat Zahidullov belderüençä, respublikanıñ ber bankında İslam täräzäsen – bülekçäsen buldıru qarala. Anıñ yärdämendä möselmannar Xalıqara bank sistemasına kerä alaçaq.
Oçraşu barışında İslam bankı citäkçese Äxmät Möxämmät Ali Qazan citäkçelegeneñ şundıy möhim mäsälälärne bik täñgäl itep kütärüenä räxmätlären äytte. Ul çınnan da Tatarstanda İslam dine üseş aluın bilgeläp uzdı. Monı ul ayıruça Rusiä İslam universitetında bulğan waqıtta assızıqladı. Älege uqu yortında Äxmät Möxämmät Ali studentlar belän oçraşıp çığış yasadı.
İnde äytkänemçä, älege bank Rusiä İslam universitetına aqçalata yärdäm itkän ide. Bu oçraşuda bank citäkçese uqu yortın üz küzläre belän kürgäç yärdäm tağın bulaçağın belderde. Bu yulı Rusiä İslam universitetında belem aluçı qızlarğa tulay toraq tözü öçen dip kötelä. Äxmät Möxämmät Ali älege studentlarnıñ kiläçäk cämğiät öçen belemle şäxeslär bulıp tärbiäläw zarurlığın äytte. Matbuğat oçraşuında İslam üseş bankı citäkçese bolay dide
İslam dönyası öçen şaqtıy awır waqıtta häm wäzğıät şundıy zur tizlek belän üzgärgändä, bu İslam universitetına, ayıruça anıñ Rusiädä bulğanın istä totıp ayırım burıçlar yöklänädide bank citäkçese Äxmät Möxämmät Ali. Ul şulay uq Qazanda Malayziädäge kebek zur Xac fondı açaçaqların äytte. Älege fondnıñ eşçänlege şaqtıy kiñ qırlı bulır dip farazlana. Ayırım alğanda, iqtisad, mäğärifkä basım yasalaçaq.
Landış Xarrasova
