Accessibility links

Rusiädä zinnätle äyberlärneñ säwdäse çäçäk ata, ğadi xalıqqa haman da az tülilär


Rusiälelär xäzer, dönyada ütä dä qıybatlı äyberlärne iñ küp satıp aluçı illär arasında, AQŞ, Yaponiä häm Qıtaydan soñ, 4nçe urında tora. Rusiädä, urtaça eş xaqınnıñ küläme, üsep baruçı illär belän çaqıştırğanda iñ tübäne bulsa da, qayber rusiälelärneñ aqçanı tuzdıruı säläte arta ğına bara.

Mäskäwneñ Borvixa awılında qıybatlı, zinnätle oylär, taqta yazlıqlarnı, narat urmannı qısrıqlap bara. 5 yıl elek bu awıl, Mäskäw yanındağı yazılqlar ciyılğan urınnan ayırılmyı ide. Xäzer isä, bu iñ zinnätle awıl bulıp tora. Monda iñ qıybatlı towarlarnı citeşterüçe şikrätlär, Lamborghini, Ferrari, Tiffani, Prada häm başqalar üz kibetlären açqan. Yaña ğına anda Ralph Lauren kibete açıldı. “Azatlıq” xäbärçese anda bulğanda, ber torle itep qızınğan, qullarında ber törle yançıqlar bulğan ana belän qız kibetne qarap yöri ide. Älege säwdä üzägendä çittäge awıllarda yäşäwçe keşelär xezmät kürsätäçäk, ä Borvixada üzendä, Rusiäneñ iñ yuğarı biznes citäkçelek, prezident Vladimir Putinnıñ yärtları bar. Zinnätle yäberlär satuçı şirkätlär belän eş itüçe Mercury şirkäteneñ başlığı Alla Verber Rusiä bayları turında bolay dide

“Xäzer yaxşı beleme bulğan, citäkçelektä eşlägän, mul tormışqa, iminlektä yäşägän keşelär küp, alar härwaqıt eşliyäçäklären häm açqa qazanaçaqların belä, häm alar yaxşı yäbärlärgä iä bulırğa häm alarnı satıp alırğa teli. Çönki, üzläre üskän çaqta, alarnıñ babaları, ata-anaları ul äyberlärne ala almağan”

Zinnätle äyberlär belän mawığudan, Rusiädä baylar häm yarılar arasında üsep baruçı upqınnı da çağıldıra. Ütä qıybatlı äyberlärne citeşterüçe şirkätlär, yallarğa London yäki New Yorkka barıp qayta alırlıq qayber rusiäselär öçen eşli. Ä şul uq waqıtta küpçelek xalıqqa bik az tülilär. Rusiä buylap, urtaça eş xaqı, ayına 400 dollar itep isäplänä.

Berniçä qıybatlı maşinası häm zatlı kiemnäre bulğan baylar öçen, aqça tuzdırırğa digändä, çiqläwlär yuq şikelle. URALSİB Capital investitsielär şirkäteneñ belgeçe Kim İskyan, aqçası bulğan keşelär, alarnı taratırğa yarata, di.

“Sez soñğı 15 yılda, berniçä finans krizisnıñ buluı turında arğument kiterä alasız häm millionlarça keşelär tormışında alar küp buldı. Xäzer xällär yaxşı, ämma kem belä, bu xäl küpmegä baraçaq. Şuña bälkem, böten närsä yañadan yuqqa çıqqançığa qädär, yaxşı äyberne alıp qalu, digän fiker haman yäşi”

Zatlı, ütä dä qıybatlı towarlar ciyılğan urın bulıp, Millionaire Fair, millionerlar kürsäzmäse bulıp tora. Ul mäskäwdä inde 3 nçe yıl ütkärelä. Berençe yıllnı kürgäzmägä 21 meñ kilep kitkän bulsa, ütkän yılnı boralaqlarnı, asıl taşlar belän bizälgän qälämnäre, zatlı kiemnärne kürergä dip 38 meñ keşe kilgän. Analitiklar Rusiädä ütä dä qıybatlı tovarlarnıñ säwdäse aldağı 15 yılda üsep barır, dip farazlıy.

Citeşterüçelär xäzer Mäskäwdä genä tügel, Rusiäneñ başqa şäxärlärendä kibetlären aça. Mäsälän Chrisitian Dior häm Dolçe& Gabana Soçida da satıla. Qazanda häm Ufada da, zatlı säğät, küzlek, qäläm, kiemnär satıla torğan urınnar bar. Millionaire Fair, millonnerlar kürgäzmäseneñ idäräçe direktorı Elena Kuduzova qıybatlı äyberlärne satıp alu turında bolay di

“Minem uylawımça Rusiäselär iñ yaxşı äyberläne alırğa teli. Ä alar härwaqıt diärlek, bik qıybat tora. Rusiädä bernärsä dä, ozaq waqıtqa barmyı, kinät bayıp kitkän keşelär aqçalardan räxät kürergä teli. Sez beläsezme, xäyerçe bulunıñ närsä ikänen berkem dä, onıtıp ölgermägän.”

Bikä Timerova.
XS
SM
MD
LG