Accessibility links

Кайнар хәбәр

Iran AQŞ belän söyläşülärdä başqa illärgä tä`esirlegen qullana


İran häm Quşma Ştatlar 3 distä yıldan soñ, Ğıraq mäsäläsenä bäyle räweştä turı häm räsmi diplomatik söyläşülärgä qayta. Tähran, Quşma Ştatlarnıñ Ğıraqtağı eşen qatlawlandıra aluın yäşermi. İran üzeneñ ğädäti uyının uynıy, başta qıynlıqlar tudıra, annan annan çığu yulın täqdim itä, dip sanıy belgeçlär.

İrannıñ ruxi citäkçese Ayatollah Ali Khameninıñ baş kiñäşçese, küptän tügel, İran, basıp aluçılarğa yozen saqlap kitargä şartlar tudırmayaçaq, Amerikannarıñ Ğıraqta närsä eşlägänen dä bez yaqlamıybız, digän ide.

İran İslam respublikası, Äfğänstandağı wäzğiätne törle yaqlap totrıqsızlandıra aluyın kürsätä. Häm monı AQŞ belän mönäsäbätlärendä qullana. Moña qädär Afğanstan räsmiläre häm cämätçelelek, ilneñ eçke eçlärenä tıqşınuçı häm ğısyançılarğa yärdäm kürsätüçe itep Paqıstannı atıy ide. Ämma küptän tügel, İrannıñ könbatış Afgänstanğa ütep kerüe, İrannıñ üzendä Äfgänstanğa qarçı suğışçılar äzerläwe turında xäbärlär kürenä başladı. İrannıñ maqsatları turında sorawlar quyıla. Ni säbäple İran Äfgänstandağı suğışçalarnı qoral belän täemin itä?

İrandağı Äfğan qaçaqların urınnarına quyu, könbatış Äfğanstanda şaw-şu quptarğan ide häm awırlıqlarğa kiterde. 85 meñläp afğanlı kire qaytırğa mäcbür buldı. İran qanunnarnı bozmıyça ğına, Qabulğa bulğan täesirlegen kürsätte. İran Ğıraqtağı eşçänlege belän çağıştırğanda Äfganstanda bälkem kübräk eşlider dä. İrannıñ yaqın beräktäşläre Qabulda zur urınnar alıp tora. Ğıraqtan ayırmalı bularaq, İranlılar Äfğanstanğa ciñel ütep kerä ala, çönki könçığıştağı iranlılarnıñ kürşeläre belän urtaq yaqları küp, tel ayırmlıqalrı da yuq. İrannıñ yäşermiçä qoral cibärüe häm Äfğanstan cirenä oçıp kerüe, Tährannıñ bu ildäge xällärne küzätep toruın, kiräk bulsa eş itärgä äzerlegen häm buldıra aluın kürsätä.

Washington häm anıñ NATOdağı beräktäşläre İranğa atom programması, terroçılarğa yärdäm itü yäki keşe xoquqları mäsäläsendä küpmeder basım yasasa, İran şunda uq alar öçen awırıqlar tudıra ala. Äfganstanıñ tışqı eşlär ministrı Rangin Datfar Spanta İrannıñ äfgan qaçaqların quyıp cibärüen Kabulğa bulğan basımı itep sürätli. İran monı üzeneñ atom programmasına bäyle räweştä NATOnıñ Äfgänstandağı eşçänlegenä qarşı torır öçen eşläde, di. Älege qaçaqlar mäsäläse ildä axır çıqtä konsitutsiä nizağına kiterde. İran, Bağdatt Quşma Ştatlar belän ber östäldä utrığanda qaraşınnan qaytırğa ciynmyı. Ul Afğanstannı Washington belän xezmättäşlek itüçe itep kürsätä ala, häm şul uq waqıtta anda qayber qıyınlıqar da tudıra ala. Ul qaysı yulnı saylar, mäsälä açıq bulıp qala.

Bikä Timerova.
XS
SM
MD
LG