Pakstan iminlek köçläre tañ aldınnan mäçetne yawlıy başladı. Anda suğışçılar 150-läp xatın-qız häm balanı tere qalqan idep qullanuda ğäyelängän ide.
Pakstan xärbiläre wäkile general mayor Wahit Arşad höcüm barışında 40-lap suğışçı üterelde, küp kenä başqa suğışçılar qaçarğa mataşqanda totıldı häm mäçetneñ berençe qatı tiz genä yaqlap alınğanda qayber totıqlar isän-min qaçıp qotıla aldı dide.
"Qorılmadan qaçuçı 24 keşe totıldı, alar xäzer iminlek köçläre qulında. Totqınnardan isä irtän 20 bala qaçtı häm alar iminlek köçläre yanında. Monnan tış älegä isäpkä alınmağan xatın-qızlar häm balalar da bulırğa mömkin" dide Arşad.
Anıñ äytüençä, bäreleş töştän soñ da däwam itep barlığı 50-läp qorallı şäkert birelgän yäki qulğa alınğan. Şulay da Arşad yaxşı öyrätelgän terrorçılar avtomat, raketaatqıç häm granatalar belän iminlek köçlärenä qatı qarşılıq kürsätä dide.
Pakstan eçke eşlär ministrı Aftab Äxmätxan Şerpao Azatlıq radiosına suğışçan din ähele, mäçettäge suğışçılarnıñ citäkçese Ğäbderäşit Ğazi suğışçılar belän mäçetneñ bazına qaçqan bulırğa oxşıy dip belderde. Soñraq Pakstan däwlät televideniese atışlar waqıtında Ğazineñ üterelüe turında xäbär itte.
Arşad äytüençä, atışlarda töştän soñğa tabaraq barlığı sigez Pakstan xärbie ülgän, 29-ı yaralanğan. Ul mäçetneñ 70-läp protsentı xökümät köçläre qaramağında, barlığı 50-läp suğışçı üterelde dide.
Xärbilär adım-adım, bülmädän bülmägä aqrınlap qorımlanıñ zur bazına taba bara.
"Ul bik zur qorılma. Anda 75-tän artıq bülmä bar. Bazların isäplämägändä. Bazlar üzläre genä dä bina qädär zurlıqta. Bazlar üzläre ber qatna alıp tora. Anda da bülmälär bik küp. Şuña kürä bu bik aqırın bara torğan eş" dide xärbilär wäkile Arşad.
Anıñ äytüençä, cir astında da küp kenä xatın-qız häm bala totıqlar buluı turında xäbärlär alınu säbäple xärbilär qorbannar sanın kimetü öçen qolaqnı tondıra torğan granatalar qullana. Arşad suğışçılar qorılmanıñ qayber urınnarına şartlatqıçlar quyıp qaldırğan dide.
Mäçetne yawlaw äle tämamlanıp ta ölgermäde, säyäsi analitiklar monıñ bulırğa mömkin näticäläre turında üz fikerlären belderä başladı.
Londondağı Chatham House analitik üzägeneñ Aziä bülege wäkile Farzana Şäix Azatlıq radiosına Islamabadnıñ ber atna däwam itkän Qızıl Mäçet qarşılığın çişü ğämälläre ezlekle häm täwäkkäl bulmadı di.
"Qısqa aranı alğanda, bälkem Prezident Pärwäz Möşärräf mäçetne yawlaw häm suğışçılarğa qarşı täwäkkäl çara kürü qararı Könbatış başqalalarında üzenä qarata fikerne yaxşırtır, häm Pakstandağı Islam ekstremizmına qarşı toruçı häm älbättä terrorğa qarşı suğışta ışanıçlı berektäş bularaq üzeneñ pozitsiäsen nığıtır dip ömetlänäder" di Şäix.
Ämma anıñ äytüençä, Pakstannıñ üzendä bu Möşärräf öçen bik qurqınıç säyäsi näticälärgä dä kiterergä mömkin. Oppozitsiädäge säyäsi firqälärMöşärräfkä basımnı arttırır dip kötelä. Bu şulay uq köç qullanular, häm intixarçı şartlatuçılar qatnaşındağı höcümnärgä dä kiterä ala di Şäix.
Naif Aqmal
Pakstan xärbiläre wäkile general mayor Wahit Arşad höcüm barışında 40-lap suğışçı üterelde, küp kenä başqa suğışçılar qaçarğa mataşqanda totıldı häm mäçetneñ berençe qatı tiz genä yaqlap alınğanda qayber totıqlar isän-min qaçıp qotıla aldı dide.
"Qorılmadan qaçuçı 24 keşe totıldı, alar xäzer iminlek köçläre qulında. Totqınnardan isä irtän 20 bala qaçtı häm alar iminlek köçläre yanında. Monnan tış älegä isäpkä alınmağan xatın-qızlar häm balalar da bulırğa mömkin" dide Arşad.
Anıñ äytüençä, bäreleş töştän soñ da däwam itep barlığı 50-läp qorallı şäkert birelgän yäki qulğa alınğan. Şulay da Arşad yaxşı öyrätelgän terrorçılar avtomat, raketaatqıç häm granatalar belän iminlek köçlärenä qatı qarşılıq kürsätä dide.
Pakstan eçke eşlär ministrı Aftab Äxmätxan Şerpao Azatlıq radiosına suğışçan din ähele, mäçettäge suğışçılarnıñ citäkçese Ğäbderäşit Ğazi suğışçılar belän mäçetneñ bazına qaçqan bulırğa oxşıy dip belderde. Soñraq Pakstan däwlät televideniese atışlar waqıtında Ğazineñ üterelüe turında xäbär itte.
Arşad äytüençä, atışlarda töştän soñğa tabaraq barlığı sigez Pakstan xärbie ülgän, 29-ı yaralanğan. Ul mäçetneñ 70-läp protsentı xökümät köçläre qaramağında, barlığı 50-läp suğışçı üterelde dide.
Xärbilär adım-adım, bülmädän bülmägä aqrınlap qorımlanıñ zur bazına taba bara.
"Ul bik zur qorılma. Anda 75-tän artıq bülmä bar. Bazların isäplämägändä. Bazlar üzläre genä dä bina qädär zurlıqta. Bazlar üzläre ber qatna alıp tora. Anda da bülmälär bik küp. Şuña kürä bu bik aqırın bara torğan eş" dide xärbilär wäkile Arşad.
Anıñ äytüençä, cir astında da küp kenä xatın-qız häm bala totıqlar buluı turında xäbärlär alınu säbäple xärbilär qorbannar sanın kimetü öçen qolaqnı tondıra torğan granatalar qullana. Arşad suğışçılar qorılmanıñ qayber urınnarına şartlatqıçlar quyıp qaldırğan dide.
Mäçetne yawlaw äle tämamlanıp ta ölgermäde, säyäsi analitiklar monıñ bulırğa mömkin näticäläre turında üz fikerlären belderä başladı.
Londondağı Chatham House analitik üzägeneñ Aziä bülege wäkile Farzana Şäix Azatlıq radiosına Islamabadnıñ ber atna däwam itkän Qızıl Mäçet qarşılığın çişü ğämälläre ezlekle häm täwäkkäl bulmadı di.
"Qısqa aranı alğanda, bälkem Prezident Pärwäz Möşärräf mäçetne yawlaw häm suğışçılarğa qarşı täwäkkäl çara kürü qararı Könbatış başqalalarında üzenä qarata fikerne yaxşırtır, häm Pakstandağı Islam ekstremizmına qarşı toruçı häm älbättä terrorğa qarşı suğışta ışanıçlı berektäş bularaq üzeneñ pozitsiäsen nığıtır dip ömetlänäder" di Şäix.
Ämma anıñ äytüençä, Pakstannıñ üzendä bu Möşärräf öçen bik qurqınıç säyäsi näticälärgä dä kiterergä mömkin. Oppozitsiädäge säyäsi firqälärMöşärräfkä basımnı arttırır dip kötelä. Bu şulay uq köç qullanular, häm intixarçı şartlatuçılar qatnaşındağı höcümnärgä dä kiterä ala di Şäix.
Naif Aqmal