Rusiäneñ Kosovo bäysezlegenä ezlekle räweştä qarşı çığıp kilüen iskä alıp Könbatış illäre İminlek Şurasına Mäskäwneñ qarşılığın kimetä alırlıq ölge täqdim itkän ide. Mäğlüm ki, Rusiä, serblar belän Kosovo albannarı arasında söyläşülär däwam itärgä tieş, çişeleşne alar bergäläşep tapsın, digän taläp quyıp kilde. Şunı istä totıp Fransiä häm Britaniä İminlek Şurası öçen äzerlägän yaña ölgedä, ikeyaqlı serb-kosovar söyläşülären tağın 4 ay alıp barunı täqdim itte. Ä inde anda da näticägä ireşelmäsä, Ahtisaari planınıñ üzennän-üze ğämälgä kerüe qarala ide, britan-fransuz täqdimendä.
Ämma Mäskäw fikerençä, mondıy ölge artında da şuluq närsä, Martti Ahtisaarinıñ Kosovoğa bäysezlek birü planı yata. Rusiä tışqı eşlär ministrı Sergey Lavrov:
"Qarar ölgeseneñ şaqtıy ğına çuar tele artında, 120 kön ütkännän, yaqlar üzara kileşäme, yuqmı, Ahtisaari planınıñ ğämälgä kerüe yata. Belüegezçä, bez barı tik ike taraf ta - Belgrad ta, Priştina da qabul itärlek qarar ölgesen genä yaqlıy alabız. Ä älegä bez andıy kileşüne kürmibez", di Sergey Lavrov, Mäskäwneñ Kosovo kiläçägen bilgeliäçäk qararnı kire qağuın añlatıp.
Rusiä citäkçeläreneñ "ike yaq ta kileşergä tieş" digäne asılda, Kosovoğa bäysezlekne serblar rizalığı belän genä birep bula digänne añlata. Ämma Belgrad üzeneñ Kosovo bäysezlege belän berqayçan da kileşmäyäçäge turında belderep kilä. Yäğni bu oçraqta Mäskäw turıdan-turı serb qaraşın ğına yaqlıy bulıp çığa.
Moña işarä itep Berläşkän Millätlär öçen Kosovo planın äzerlägän Martti Ahtisaari, kompromislar ezlämi genä bar täqdimnärgä dä qarşı çığıp kilüe belän Mäskäw üzeneñ xalıqara abruyın nığıtası urınğa, anı kiresençä qaqşata ğına, dip belderde. Anıñ bu süzläre yänä Rusiäneñ açuın çığarıp, Lavrov inde turıdan-turı Ahtisaarigä qarşı belderü yasadı, häm "ägär dä ber yaq anıñ täqdimnären qabul itä almıy ikän, bälki bezgä söyläşülärneñ başqa ber tarafsız aradaşçı yardämendä alıp baru xaqında uylap qararğa kiräkter", dide.
Säyäsi küzätüçelär fikerençä, Kosovo mäs''äläsen Mäskäw Könbatış belän qarşılığında üze öçen prinsipial'' mäs''älägä äyländerde. Soñğı yıllarda Rusiä xalıqara mäydanğa bäysez ber uyınçı bularaq qaytırğa tırışa. Kosovo mäs''äläsendä çigenmiçä ilneñ citäkçelege Könbatışqa monıñ çınnan da şulay buluın, Rusiä belän isäpläşä başlarğa kiräklegen kürsätergä omtıla.
Mäskäw Kosovo mäs''äläseneñ tiz genä xäl itelüen telämi häm anıñ bäysezlegenä qarşı çığuın däwam itä.
Kärim Kamal
Ämma Mäskäw fikerençä, mondıy ölge artında da şuluq närsä, Martti Ahtisaarinıñ Kosovoğa bäysezlek birü planı yata. Rusiä tışqı eşlär ministrı Sergey Lavrov:
"Qarar ölgeseneñ şaqtıy ğına çuar tele artında, 120 kön ütkännän, yaqlar üzara kileşäme, yuqmı, Ahtisaari planınıñ ğämälgä kerüe yata. Belüegezçä, bez barı tik ike taraf ta - Belgrad ta, Priştina da qabul itärlek qarar ölgesen genä yaqlıy alabız. Ä älegä bez andıy kileşüne kürmibez", di Sergey Lavrov, Mäskäwneñ Kosovo kiläçägen bilgeliäçäk qararnı kire qağuın añlatıp.
Rusiä citäkçeläreneñ "ike yaq ta kileşergä tieş" digäne asılda, Kosovoğa bäysezlekne serblar rizalığı belän genä birep bula digänne añlata. Ämma Belgrad üzeneñ Kosovo bäysezlege belän berqayçan da kileşmäyäçäge turında belderep kilä. Yäğni bu oçraqta Mäskäw turıdan-turı serb qaraşın ğına yaqlıy bulıp çığa.
Moña işarä itep Berläşkän Millätlär öçen Kosovo planın äzerlägän Martti Ahtisaari, kompromislar ezlämi genä bar täqdimnärgä dä qarşı çığıp kilüe belän Mäskäw üzeneñ xalıqara abruyın nığıtası urınğa, anı kiresençä qaqşata ğına, dip belderde. Anıñ bu süzläre yänä Rusiäneñ açuın çığarıp, Lavrov inde turıdan-turı Ahtisaarigä qarşı belderü yasadı, häm "ägär dä ber yaq anıñ täqdimnären qabul itä almıy ikän, bälki bezgä söyläşülärneñ başqa ber tarafsız aradaşçı yardämendä alıp baru xaqında uylap qararğa kiräkter", dide.
Säyäsi küzätüçelär fikerençä, Kosovo mäs''äläsen Mäskäw Könbatış belän qarşılığında üze öçen prinsipial'' mäs''älägä äyländerde. Soñğı yıllarda Rusiä xalıqara mäydanğa bäysez ber uyınçı bularaq qaytırğa tırışa. Kosovo mäs''äläsendä çigenmiçä ilneñ citäkçelege Könbatışqa monıñ çınnan da şulay buluın, Rusiä belän isäpläşä başlarğa kiräklegen kürsätergä omtıla.
Mäskäw Kosovo mäs''äläseneñ tiz genä xäl itelüen telämi häm anıñ bäysezlegenä qarşı çığuın däwam itä.
Kärim Kamal