Törkiäneñ könçığışında tawış birü cirle waqıt belän irtänge 7dä, qalğan öleşendä ber säğat soñıraq başlandı. 74 millionlıq xalıqnıñ 42 millionı saylawlarda qatnaşa ala. Aldan uq bu saylawlarğa kilüçelärneñ sanı yuğarı bulır dip farazlandı.
Küplär tawış birer öçen cäyge yalların kiçekterde yäisä yaldan aldanraq qayttı. Saylawlarğa barır aldınnan Änkaradağı keşelär menä nilär söyläde. 23 yäşlek Arzu isemle yäş xanım:
"Min üz tawışımnı eşläwçe keşelär, däwlät xezmätkärläre häm pensionerlarnı qayğırtqan, mäğärif häm sälämätlek saqlaw sistemnarın yaxşırtunı möhim dip tapqan häm Mostafa Kemal Atatörk ideaların yaqlağan firqalär öçen birergä cıyınam."
"Min terrorğa qarşı köräşüçelär öçen biräçäkmen," dide 40 yäşlek Reza Karaman.
Bu saylawlarnı premyer-ministr Recep Tayyip Erdoğan aldanraq bilgeläde. İldä AK partiä bilgelägän prezidentlıqqa namzät tiräsendä säyäsi nizaq çıqqan ide.
İldä zur köçkä iä xärbi köçläre häm dini bulmağan firqalär prezident urınına, xatını möselmança yawlıq bäyläp yörgän tışqı eşlär ministrı Abdulla Gülne täqdim itügä qarşı çıqqan ide. Alar Törkiäneñ dönyawi däwlät qorılışına qurqınıç yanıy, dip belderde. AK pariä üz çiratında Törkiädän İran yasarğa telämäwe belän cawap birgän ide.
Şimbä 21 yül könne Milliyet basmasına birgän äñgämäsendä, Gül, xärbilärneñ ul belderüe çınbarlıqta AK partiä faydasına buldı, dide. Çönki xalıq xärbilärneñ säyäsätkä qatnaşuı belän qanäğät bulmıyça AK partiäne tağın da kübräk yaqlıy başladı.
Bügenge saylawlar Törkiäneñ säyäsi kiläçäge öçen möhim adım dip bäyälänä. Aldan ütkärelgän fiker beleşülär 550 keşelek parlamentta küpçelek urınnarnı AK partiä namzätläre alaçağın kürsätte.
Şimbä könne xalıqqa möräcäğät itep, Erdoğan, AK partiä öçen tawış birerülären sorap, ildä iqtisadi üseş, yäşäw şartların yaxşırtu häm inflyasiäne kimetüne wağdä itte:
"Soñğı säğatlär qaldı, inşalla 30 säğattän AK partiä Törkiäne tağın da kübräk yaqtırtır. "
AK partiädän tış tağın ike firqa genä – urta-sul Cömhüriät Xalıq Partiäse häm ütä-uñ Millätçe Xäräkät Partiäse parlamenttağı 10%lıq kirtäne aşır dip farazlana. Şulay uq köräştä kördlär wäkilläre kebek bäysez namzätlär dä qatnaşa. Yaña saylanaçaq parlament aldında şunda uq çişeleş kötkän möhim mäsälälär toraçaq – prezidentnı saylaw häm körd ğısyançıları probleması. Saylaw urınnarı Qazan waqıtı belän säğat 5tä yabıldı. Tawış birü näticäläre turında Azatlıq dulqınnarında düşämbe 23 yül könne tıñlağız.
Küplär tawış birer öçen cäyge yalların kiçekterde yäisä yaldan aldanraq qayttı. Saylawlarğa barır aldınnan Änkaradağı keşelär menä nilär söyläde. 23 yäşlek Arzu isemle yäş xanım:
"Min üz tawışımnı eşläwçe keşelär, däwlät xezmätkärläre häm pensionerlarnı qayğırtqan, mäğärif häm sälämätlek saqlaw sistemnarın yaxşırtunı möhim dip tapqan häm Mostafa Kemal Atatörk ideaların yaqlağan firqalär öçen birergä cıyınam."
"Min terrorğa qarşı köräşüçelär öçen biräçäkmen," dide 40 yäşlek Reza Karaman.
Bu saylawlarnı premyer-ministr Recep Tayyip Erdoğan aldanraq bilgeläde. İldä AK partiä bilgelägän prezidentlıqqa namzät tiräsendä säyäsi nizaq çıqqan ide.
İldä zur köçkä iä xärbi köçläre häm dini bulmağan firqalär prezident urınına, xatını möselmança yawlıq bäyläp yörgän tışqı eşlär ministrı Abdulla Gülne täqdim itügä qarşı çıqqan ide. Alar Törkiäneñ dönyawi däwlät qorılışına qurqınıç yanıy, dip belderde. AK pariä üz çiratında Törkiädän İran yasarğa telämäwe belän cawap birgän ide.
Şimbä 21 yül könne Milliyet basmasına birgän äñgämäsendä, Gül, xärbilärneñ ul belderüe çınbarlıqta AK partiä faydasına buldı, dide. Çönki xalıq xärbilärneñ säyäsätkä qatnaşuı belän qanäğät bulmıyça AK partiäne tağın da kübräk yaqlıy başladı.
Bügenge saylawlar Törkiäneñ säyäsi kiläçäge öçen möhim adım dip bäyälänä. Aldan ütkärelgän fiker beleşülär 550 keşelek parlamentta küpçelek urınnarnı AK partiä namzätläre alaçağın kürsätte.
Şimbä könne xalıqqa möräcäğät itep, Erdoğan, AK partiä öçen tawış birerülären sorap, ildä iqtisadi üseş, yäşäw şartların yaxşırtu häm inflyasiäne kimetüne wağdä itte:
"Soñğı säğatlär qaldı, inşalla 30 säğattän AK partiä Törkiäne tağın da kübräk yaqtırtır. "
AK partiädän tış tağın ike firqa genä – urta-sul Cömhüriät Xalıq Partiäse häm ütä-uñ Millätçe Xäräkät Partiäse parlamenttağı 10%lıq kirtäne aşır dip farazlana. Şulay uq köräştä kördlär wäkilläre kebek bäysez namzätlär dä qatnaşa. Yaña saylanaçaq parlament aldında şunda uq çişeleş kötkän möhim mäsälälär toraçaq – prezidentnı saylaw häm körd ğısyançıları probleması. Saylaw urınnarı Qazan waqıtı belän säğat 5tä yabıldı. Tawış birü näticäläre turında Azatlıq dulqınnarında düşämbe 23 yül könne tıñlağız.