5 yüldä oppozitsiä aktivistı Larisa Arap yaña maşina yörtü tanıqlığı öçen meditsina tikşerüe ütärgä dip cirle xastaxanägä kilgäç tabiblar anı köç belän ruxi awırular bülegenä alıp kitälär. Arap telefon aşa ire Dmitriy Tereşinğa şaltıratıp ölgerä.
"Minemçä bu Larisa yazğan mäqälä arqasında bulırğa mömkin. Tabib anıñ mäqäläsen gazetadan uqığan bulırğa mömkin. Psixiatriä xastaxanälärendäge xällär turında yazılğan ul mäqälä Durdom dip atala ide" di Tereşin.
Arap Garri Kasparov citäkçelegendäge Berläşkän Watandaşlar Frontı äğzası. Yün ayında Arap cirle gazetağa yazğan mäqäläsendä ölkädäge psixiatriä xastaxanäläreneñ balalar büleklärendäge wäxşi ısullar qullanıluı turında yazğan bulğan.
Ul mäqälädä Arap balalarnı xastaxanälär xezmätärläreneñ ayaqların übärgä, massaj yasarğa mäcbür itälär, ike atnağa ber märtäbä genä açıq hawağa alıp çığalar dip yazğan. Arap xätta psixiatrik xastaxanälärdä balalarğa qarata censi bozıqlıqlar, şul isäptän köçläwlär turında yazğan.
Xäzer isä Arapnıñ üzen Murmanskidan 300-läp çaqrımdağı Apatiti şähäreneñ psixriatriä xastaxanäsenä yapqannar.
Keşe xoquqların yaqlawçılar bu oçraq sovet çorı ısullarınıñ kire qaytuına tağın ber dälil, ul çaqta da dissidentlarnı ruxıy awırular dip totıp yabalar ide di.
Keşe Xoquqları öçen Watandaşlar Komissiäse aktivistı Roman Çernıy Arap belän küreşü mömkinlege soraw öçen bu atnada Murmanskiğa barğan.
"Qızğanıç ki, tabiblar, keşe xoquqların yaqlawçılar häm xäbärçelär qatnaşındağı oçraşuda Arap qatnaştırılmadı. Psixiatrik xastaxanä wäkilläre äytüençä, yänäse Larisa Arap jurnalistlar häm keşe xoquqların yaqlawçılar belän oçraşudan baş tartqan. Min moña bik ışanmıym" di Çernıy.
Tabiblar häm cirle sälamätlek saqlaw xezmätkärläre Arap yazğan mäqälä, yäki anıñ säyäsi eşçänlege belän psixiatrik xastaxanägä yabu arasında bäyläneş buluın kire qağa. Arap yabılğan Murmanski ölkä psixiatriä xastaxanäseneñ baş tabibı Yevgeniy Yenin.
"Bezneñ xastaxanägä yäki ölkä xastaxanäsenä säyäsi säbäplärdän yabu oçrağınıñ bulğanlığın ber dä xäterlämim. Bez barı tik meditsina tikşerülärenä, tabib burıçına häm qanunğa ğına tayanıp eş itäbez" dide Yenin.
Tabiblar äytüençä, Arap elek tä ruxıy sälamätlek problemaları belän xastaxanägä salınğan bulğan. Anıñ ire dä Arapnıñ 2004 yılda psixiatriä xastaxanäsendä 2 atna bulğanlığın raslıy. Ämma Keşe xoquqları öçen watandaşlar komissiäse wäkile Çernıy sälamätlek xezmätkärläre maxsus döreslekne bozıp kürsätä di.
"Bu keşene qaralaw ısulına bik tä oxşıy. Ägär dä ul 2004 yılda xastaxanädä bulğan ikän, bu äle berni turında da söylämi. Keşeneñ başqalarnıñ xoquqların yaqlaw, psixiatriä xastaxanälärendäge şartlar turında yazu xoquqı bar. Kiñküläm mäğlümät çaralarındağı mondıy tänqit öçen keşene psixiatriä xastaxanäsenä yabarğa yaramıy" di Çernıy.
Keşe xoquqları öçen watandaşlar komissiäse ölkä idaräse başlığına, ölkä prokuraturasında bu eşne tikşererüne sorap räsmi möräcäğät tapşırğan. Keşe xoquqların yaqlawçı törkemnär häm Kasparovnıñ Berläşkän Watandaşlar Frontı basımı näticäsendä Rusiäneñ räsmi keşe xoquqları ombudsmanı da bu eşne tikşerä başlağan. Exo Moskvy radiosı xäbär itüençä Larisa Arap belän AQŞnıñ Piterburdağı konsullığı xezmätkäre Benjamin V.Wohlauer da oçraşırğa cıyına.
Naif Aqmal
"Minemçä bu Larisa yazğan mäqälä arqasında bulırğa mömkin. Tabib anıñ mäqäläsen gazetadan uqığan bulırğa mömkin. Psixiatriä xastaxanälärendäge xällär turında yazılğan ul mäqälä Durdom dip atala ide" di Tereşin.
Arap Garri Kasparov citäkçelegendäge Berläşkän Watandaşlar Frontı äğzası. Yün ayında Arap cirle gazetağa yazğan mäqäläsendä ölkädäge psixiatriä xastaxanäläreneñ balalar büleklärendäge wäxşi ısullar qullanıluı turında yazğan bulğan.
Ul mäqälädä Arap balalarnı xastaxanälär xezmätärläreneñ ayaqların übärgä, massaj yasarğa mäcbür itälär, ike atnağa ber märtäbä genä açıq hawağa alıp çığalar dip yazğan. Arap xätta psixiatrik xastaxanälärdä balalarğa qarata censi bozıqlıqlar, şul isäptän köçläwlär turında yazğan.
Xäzer isä Arapnıñ üzen Murmanskidan 300-läp çaqrımdağı Apatiti şähäreneñ psixriatriä xastaxanäsenä yapqannar.
Keşe xoquqların yaqlawçılar bu oçraq sovet çorı ısullarınıñ kire qaytuına tağın ber dälil, ul çaqta da dissidentlarnı ruxıy awırular dip totıp yabalar ide di.
Keşe Xoquqları öçen Watandaşlar Komissiäse aktivistı Roman Çernıy Arap belän küreşü mömkinlege soraw öçen bu atnada Murmanskiğa barğan.
"Qızğanıç ki, tabiblar, keşe xoquqların yaqlawçılar häm xäbärçelär qatnaşındağı oçraşuda Arap qatnaştırılmadı. Psixiatrik xastaxanä wäkilläre äytüençä, yänäse Larisa Arap jurnalistlar häm keşe xoquqların yaqlawçılar belän oçraşudan baş tartqan. Min moña bik ışanmıym" di Çernıy.
Tabiblar häm cirle sälamätlek saqlaw xezmätkärläre Arap yazğan mäqälä, yäki anıñ säyäsi eşçänlege belän psixiatrik xastaxanägä yabu arasında bäyläneş buluın kire qağa. Arap yabılğan Murmanski ölkä psixiatriä xastaxanäseneñ baş tabibı Yevgeniy Yenin.
"Bezneñ xastaxanägä yäki ölkä xastaxanäsenä säyäsi säbäplärdän yabu oçrağınıñ bulğanlığın ber dä xäterlämim. Bez barı tik meditsina tikşerülärenä, tabib burıçına häm qanunğa ğına tayanıp eş itäbez" dide Yenin.
Tabiblar äytüençä, Arap elek tä ruxıy sälamätlek problemaları belän xastaxanägä salınğan bulğan. Anıñ ire dä Arapnıñ 2004 yılda psixiatriä xastaxanäsendä 2 atna bulğanlığın raslıy. Ämma Keşe xoquqları öçen watandaşlar komissiäse wäkile Çernıy sälamätlek xezmätkärläre maxsus döreslekne bozıp kürsätä di.
"Bu keşene qaralaw ısulına bik tä oxşıy. Ägär dä ul 2004 yılda xastaxanädä bulğan ikän, bu äle berni turında da söylämi. Keşeneñ başqalarnıñ xoquqların yaqlaw, psixiatriä xastaxanälärendäge şartlar turında yazu xoquqı bar. Kiñküläm mäğlümät çaralarındağı mondıy tänqit öçen keşene psixiatriä xastaxanäsenä yabarğa yaramıy" di Çernıy.
Keşe xoquqları öçen watandaşlar komissiäse ölkä idaräse başlığına, ölkä prokuraturasında bu eşne tikşererüne sorap räsmi möräcäğät tapşırğan. Keşe xoquqların yaqlawçı törkemnär häm Kasparovnıñ Berläşkän Watandaşlar Frontı basımı näticäsendä Rusiäneñ räsmi keşe xoquqları ombudsmanı da bu eşne tikşerä başlağan. Exo Moskvy radiosı xäbär itüençä Larisa Arap belän AQŞnıñ Piterburdağı konsullığı xezmätkäre Benjamin V.Wohlauer da oçraşırğa cıyına.
Naif Aqmal