Ukraina prezidentı Viktor Yuçenko bügen Kievta tawış birgännän soñ bolay dide:
"Min qanunlı häm ğädel saylawlarnıñ här näticäsen qabul itäçäkmen, flaglarnıñ töslärenä häm töbäklärgä qaramıyça. Başqa Maydan inde bulmayaçaq. Tüläwle Maydan bulmayaçaq" dide Ukraina prezidentı.
Fiker beleşülärgä qarağanda, tawışlarnıñ küpçelegen Yanukoviçnıñ Töbäklär partiäse alırğa tieş. Elegräk yasağan belderülärendä ul prezident taraflı köçlärne xärämläşü niätendä ğayepläp çıqqan ide häm bu oçraqta uram cıyınnarın oyıştıru belän yanağan ide. Bügen Kievta tawış birgännän soñ Yanukoviç beraz başqaraq fiker äytte:
"Minemçä, bu bar Ukraina xalqı öçen sınaw köne. Minemçä, Ukrainada başqa waqıtınnan alda saylawlar bulmayaçaq" dide Ukraina premier-ministrı.
Parlamenntağı 450 urınğa 20-läp partiä däğwa itä. Belgeçlär fikerençä, alarnıñ berse dä yaña xökümät tözü öçen citärlek tawış qazana almayaçaq. Qayber xäbärlärgä qarağanda, prezident Yuçenko elekke tarafdarı häm elekke premier Yulia Timoşenko belän berläşü yulları ezli başlağan.
Saylawlar barışın 3 meñläp küzätüçe küzätä. İnde berençe tärtip bozular terkälgän. Lugan töbägendä 1 qulğa 2 bülleten birelgän. Xarkov häm Kirovogradta saylawçılarnı Töbäklär partiäsenä tawış birü öçen avtobuslar belän taşığannar.
Ukrainada barlığı 37 million keşeneñ tawış birü xoquqı bar. Saylawlar ütte dip sanalsın öçen alarnıñ kimendä 50%-tı tawış birergä tieş. Tawış birü urınnarı cirle waqıt belän kiçke 10-da yabıla.
ali ğilmi
"Min qanunlı häm ğädel saylawlarnıñ här näticäsen qabul itäçäkmen, flaglarnıñ töslärenä häm töbäklärgä qaramıyça. Başqa Maydan inde bulmayaçaq. Tüläwle Maydan bulmayaçaq" dide Ukraina prezidentı.
Fiker beleşülärgä qarağanda, tawışlarnıñ küpçelegen Yanukoviçnıñ Töbäklär partiäse alırğa tieş. Elegräk yasağan belderülärendä ul prezident taraflı köçlärne xärämläşü niätendä ğayepläp çıqqan ide häm bu oçraqta uram cıyınnarın oyıştıru belän yanağan ide. Bügen Kievta tawış birgännän soñ Yanukoviç beraz başqaraq fiker äytte:
"Minemçä, bu bar Ukraina xalqı öçen sınaw köne. Minemçä, Ukrainada başqa waqıtınnan alda saylawlar bulmayaçaq" dide Ukraina premier-ministrı.
Parlamenntağı 450 urınğa 20-läp partiä däğwa itä. Belgeçlär fikerençä, alarnıñ berse dä yaña xökümät tözü öçen citärlek tawış qazana almayaçaq. Qayber xäbärlärgä qarağanda, prezident Yuçenko elekke tarafdarı häm elekke premier Yulia Timoşenko belän berläşü yulları ezli başlağan.
Saylawlar barışın 3 meñläp küzätüçe küzätä. İnde berençe tärtip bozular terkälgän. Lugan töbägendä 1 qulğa 2 bülleten birelgän. Xarkov häm Kirovogradta saylawçılarnı Töbäklär partiäsenä tawış birü öçen avtobuslar belän taşığannar.
Ukrainada barlığı 37 million keşeneñ tawış birü xoquqı bar. Saylawlar ütte dip sanalsın öçen alarnıñ kimendä 50%-tı tawış birergä tieş. Tawış birü urınnarı cirle waqıt belän kiçke 10-da yabıla.
ali ğilmi