Rusiä bıyıl az ğına yaxşıraq pozisiädä, alay da anıñ urını 144nçe. Uzğan yıl Rusiä 169nçı urında ide. Rusiä jurnalistlar berlegendä, süz häm matbuğat irege saylawlarğa yaqınlaşqan sayın tağın da kimer dip farazlıylar. Matbuğat irege İslandiädä iñ yaxşı xäldä. Yevropa däwlätläre berençe 50 urınnı alğan. Rusiäneñ isemlektäge "kürşeläre" – Rusiädän yaxşıraq sanalğan Äfğanstan häm Yemen, naçarraq kürşelär Tunis, Mısır häm Ruanda. Matbuğat häm süz irege iñ naçar xäldä, döresräge bötenläy bulmağan illär – Törkmänstan häm Tönyaq Korea.
Çiklärne tanımağan jurnalistlar äzerlägän isemlektä Rusiäneñ urını turında oyışmanıñ Yevropa häm elekke Sovetlar berlege belän eşläwçe wäkile Eksa Vidal menä närsälär dide:
"Qızğanıçqa qarşı Rusiädä jurnalistlarğa qarşı höcümnär häm alarnı qıluçılarnıñ cäzasız qaluın küzätäbez. Rusiäne 144nçe urınğa quyunıñ tağın ber säbäbe – televideniä häm radiolarda fiker törlelege yuq. Üzgä fiker yörtüçelärneñ däwlät televideniäsenä çığu mömkinlege yuq, barı tik Exo Moskvı radiosı qala, ä alarnı böten ildä tıñlap bulmıy. Menä, Rusiäneñ bu isemlektä näq şul urında buluına ike töp säbäp."
Çiklärne tanımağan jurnalistlar äzerlägän isemlektä Rusiäneñ urını turında oyışmanıñ Yevropa häm elekke Sovetlar berlege belän eşläwçe wäkile Eksa Vidal menä närsälär dide:
"Qızğanıçqa qarşı Rusiädä jurnalistlarğa qarşı höcümnär häm alarnı qıluçılarnıñ cäzasız qaluın küzätäbez. Rusiäne 144nçe urınğa quyunıñ tağın ber säbäbe – televideniä häm radiolarda fiker törlelege yuq. Üzgä fiker yörtüçelärneñ däwlät televideniäsenä çığu mömkinlege yuq, barı tik Exo Moskvı radiosı qala, ä alarnı böten ildä tıñlap bulmıy. Menä, Rusiäneñ bu isemlektä näq şul urında buluına ike töp säbäp."