Sentyabrźä Irımburźa totolğan terrorsılar menep yörögän attarın Beloret rayonı urmandarında urlağan bulğan. Terrorsılarźı totqandan huñ baytaq waqıt ütkäs, yañıraq Beloret rayonı Zöyäk auılınan ber xuja Irımburğa barıp üźeneñ atın alıp qaytqan. Yılqımdı mal itkänse nisä toq holo kiteren belmäyem, alıp qaytıuı la ber at xaqına töştö tigän ul. Bıyıl yäy Beloretta attar küpläp yuğaldı. Mäśälän, Zöyäkteñ kürşehe bulğan Ğäbdöktä äle haman 10 olo beyä, ber-nisä ayğır tay häm 7-8 qolon tabılmağan. Keskäy auıl ösön şäptän ber öyör tigän hüź bıl. Auıl xalqı attarźı oşo keşelär qıuıp alıp kitmäneme ikän, yäki yäy buyına huyıp aşap bötmäneme ikän tip tä şiklänä. Sönki ayıu-büre tamaqlaha, emtektäre tabılır ine. Bılay eźźäre lä üźźäre lä yuq.