Sportlı Başqortostanda sport bıuıla. Stärletamaqtağı Sodovik klubı- qomandahı, balalar futbol mäktäbe, yäğni barlıq eştäre tulıhınsa yabıla. Başqortostanğa professional futbol klubı käräkmäy bulıp sıqtı. Finanslau tulıhınsa tuqtatılğas, klub tarqatıla. Sodoviktı yabıu xaqında prezident bıltır uq Farman birgän bulğan. İkense liğanan berensegä küitärelep täüge miźgeldä ük unıñ 5-se baśqısına kütärelgän Sodoviktı ber-ike yıldan bälki premer-liğağa sığır tip tä ömötlängäynelär. Ämmä miźgel başında aqsahıź qalğan klub yänä ikense liğağa töştö, ul ğına la tügel, bötönläy yäşäüźän tuqtanı. Sönki respubliqala aqsanı sporttıñ başqa törźärenä lä küpläp täläf itälär. Yahalma yahalğan 450 yıllıqtı bayram itkändä Salauat Yulaew xoqkey klubına ber nindäy sığımdarğa qaramay altın miźal yaulau burısı quyılğan. Barlıq aqsa şunda kitep tora. Oliğarxtar yıyıntığı isemen alğan qomanda xoqkeysılarźı xaqına qaramay kümärtäläp hatıp aldı. Ul ğına etmägän, yañıraq Çexiya yıyılma qomandahı qapqasıhı Milan Gliniçqanı la Karyala quboğınan huñ öyönä lä qaytarmay, Öfögä alıp kildelär. Miźgel aźağına tiklem ul Salauat Yulaew sostawında 2 million dollar eşläyäsäk, unıñ elekke klubına ğäfü aqsahı tülängän. Bınan tış sit il qapqasıhı uynağan ösön Räsäy xoqkey federatsiyahına 9 million hum halım birźelär. Milan Gniliçqa Salauat Yulaew ösön 2leg2 ike uyında ğına qapqa haqlanı.