Zur konsertlar, sport yarışları ütkärü, ä küpmeder waqıt xätta olı bazar urını bulğan Lujniki çärşämbedä şundıy tamaşalarnıñ çirattağısına xuca buldı. Azatlıq inde xäbär itkän ide - anda Vladimir Putin tarafdarları Forumı uzdı. Zur konserttağı kebek üz kumirın kürergä dip Lujnikigä 5 meñläp keşe kilde.
Tamaşanı oyıştıru da beryaqtan show-buziness, ämma berük waqıtta zur säyäsi çara ütkärü qanunnarına nigezlängän ide. Bayraqlar, tieşle urında tieşle xuplaw süzläre qıçqırıp toruçılar, cıyılğan xalıqnıñ ruxın kütärep toru, häm älbättä, küpsanlı telekameralar.
Ul kameralar nigezdä Rusiä telekanallarınıqı ğına ide. Bäysez mäğlümät çaralarına, Mäskäwdäge çit il xäbärçeläreneñ küpçelegenä Putin tarafdarları cıyınına yul bu yulı da yabıq buldı.
Monı, Vladimir Putinneñ şuşı cıyındağı çığışı aşa barı tik il eçendäge xalıqqa ğına möräcäğät itärgä tırışuı belän añlatırğa mömkin. Ä anda çınnan da şaqtıy qızıqlı belderülär yañğıradı.
Sülpän genä başlanğan çığış azağına taba canlana barıp, yuğarı noqtasına, Putinneñ, ildä äle haman da Rusiägä qarşı eşläwçe qara köçlär buluı turındağı süzlärendä citte. Çığışınıñ näq menä şul öleşen Vladimir Putin çın küñeldän, här äytkän süzenä inanıp yasadı digän xis qaldı.
Rusiäneñ böyeklegenä qarşı çığuçılar ildän çittä genä tügel, anıñ eçendä dä äle citärlek ikän. Alar üz xalqınıñ yaqlawın ezlise urınğa, törle ilçelek tiräsendä böterelep, çit fondlar häm xökümätlär yaqlawın ezli, di Putin.
İkençedän, andıy zatlar äle xäzerge saylawlarda da qatnaşa ikän - "sez alarnı tawış birü isemleklärendä häm qayber partiälärneñ iğanäçeläre arasında kürä alasız", dide prezident, şul qarayözlärneñ isemnären atamıy ğına.
Ser tügel, Rusiädäge saylawaldı kampaniäse xakimiät yağınnan bik köçle kontrol astında bara, şuña da qaramastan, qayber partiälär, misal öçen, Uñ köçlär berlege, açıqtan-açıq Putin säyäsätenä qarşı buluın belderä başladı. Kreml bu uñaydan bik borçıla, häm Putinneñ näfrätle süzläre näq menä aña qarşı yünälderelgän dip farazlana.
Uñ köçlär berlege citäkçelärennän berse Boris Nemtsov fikerençä, çığışında 90-nçı yıllardağı başbaştaqlıqlarnı xurlap telgä alğanda, Putin uzen dä tänqitlärgä tieş ide. Çönki şul waqıtta ul üze yuğarı citäkçelektä buldı - prezident idaräsendä eşläde, Federal' iminlek xezmäten citäkläde, premyer-ministr itep bilgelände häm bar bu eşlärendä Berezovski, Gusinski, häm bigräk tä Yeltsin qızı Tatyana Dyaçenko belän tığız mönäsäbätlärdä buldı.
1998-nçe yılğı defolt öçen cawaplı sanalğan Sergey Kirienkonı Putin başta üzeneñ iñ yaqın keşelärennän berse - İdel buyındağı wäkile itep bilgeläde, ä soñraq iñ cawaplı tarmaqlarnıñ berse, Rosatomnı citäklärgä cibärde.
90-nçı yıllardağı qırği dip sanalğan xosusilaştırunıñ atası Anatoli Çubays Putin prezidentlığı çorında ilneñ iñ ere şirkätläreneñ berse, Rusiäneñ energoçeltären citäkläp kilde.
Putin fikerençä, elek ilne tarqatırğa mataşqan ähellär xäzer Könbatış möğällimnärennän sabaq alıp, häm belgännären kürşe respublikalarda sınap qarap, Rusiädä dä şunı eşlämäkçe.
İñ qızığı şul - Lujnikidäge şuşı zur tamaşa üze amerikan saylaw kampaniäsennän küçerep alğan, hiçyuğı şuña oşatu tırışlığı zur bulğan, yäğni Könbatışqa iärep oyıştırılğan ber çara ide.
Tamaşanı oyıştıru da beryaqtan show-buziness, ämma berük waqıtta zur säyäsi çara ütkärü qanunnarına nigezlängän ide. Bayraqlar, tieşle urında tieşle xuplaw süzläre qıçqırıp toruçılar, cıyılğan xalıqnıñ ruxın kütärep toru, häm älbättä, küpsanlı telekameralar.
Ul kameralar nigezdä Rusiä telekanallarınıqı ğına ide. Bäysez mäğlümät çaralarına, Mäskäwdäge çit il xäbärçeläreneñ küpçelegenä Putin tarafdarları cıyınına yul bu yulı da yabıq buldı.
Monı, Vladimir Putinneñ şuşı cıyındağı çığışı aşa barı tik il eçendäge xalıqqa ğına möräcäğät itärgä tırışuı belän añlatırğa mömkin. Ä anda çınnan da şaqtıy qızıqlı belderülär yañğıradı.
Sülpän genä başlanğan çığış azağına taba canlana barıp, yuğarı noqtasına, Putinneñ, ildä äle haman da Rusiägä qarşı eşläwçe qara köçlär buluı turındağı süzlärendä citte. Çığışınıñ näq menä şul öleşen Vladimir Putin çın küñeldän, här äytkän süzenä inanıp yasadı digän xis qaldı.
Rusiäneñ böyeklegenä qarşı çığuçılar ildän çittä genä tügel, anıñ eçendä dä äle citärlek ikän. Alar üz xalqınıñ yaqlawın ezlise urınğa, törle ilçelek tiräsendä böterelep, çit fondlar häm xökümätlär yaqlawın ezli, di Putin.
İkençedän, andıy zatlar äle xäzerge saylawlarda da qatnaşa ikän - "sez alarnı tawış birü isemleklärendä häm qayber partiälärneñ iğanäçeläre arasında kürä alasız", dide prezident, şul qarayözlärneñ isemnären atamıy ğına.
Ser tügel, Rusiädäge saylawaldı kampaniäse xakimiät yağınnan bik köçle kontrol astında bara, şuña da qaramastan, qayber partiälär, misal öçen, Uñ köçlär berlege, açıqtan-açıq Putin säyäsätenä qarşı buluın belderä başladı. Kreml bu uñaydan bik borçıla, häm Putinneñ näfrätle süzläre näq menä aña qarşı yünälderelgän dip farazlana.
Uñ köçlär berlege citäkçelärennän berse Boris Nemtsov fikerençä, çığışında 90-nçı yıllardağı başbaştaqlıqlarnı xurlap telgä alğanda, Putin uzen dä tänqitlärgä tieş ide. Çönki şul waqıtta ul üze yuğarı citäkçelektä buldı - prezident idaräsendä eşläde, Federal' iminlek xezmäten citäkläde, premyer-ministr itep bilgelände häm bar bu eşlärendä Berezovski, Gusinski, häm bigräk tä Yeltsin qızı Tatyana Dyaçenko belän tığız mönäsäbätlärdä buldı.
1998-nçe yılğı defolt öçen cawaplı sanalğan Sergey Kirienkonı Putin başta üzeneñ iñ yaqın keşelärennän berse - İdel buyındağı wäkile itep bilgeläde, ä soñraq iñ cawaplı tarmaqlarnıñ berse, Rosatomnı citäklärgä cibärde.
90-nçı yıllardağı qırği dip sanalğan xosusilaştırunıñ atası Anatoli Çubays Putin prezidentlığı çorında ilneñ iñ ere şirkätläreneñ berse, Rusiäneñ energoçeltären citäkläp kilde.
Putin fikerençä, elek ilne tarqatırğa mataşqan ähellär xäzer Könbatış möğällimnärennän sabaq alıp, häm belgännären kürşe respublikalarda sınap qarap, Rusiädä dä şunı eşlämäkçe.
İñ qızığı şul - Lujnikidäge şuşı zur tamaşa üze amerikan saylaw kampaniäsennän küçerep alğan, hiçyuğı şuña oşatu tırışlığı zur bulğan, yäğni Könbatışqa iärep oyıştırılğan ber çara ide.