Accessibility links

Кайнар хәбәр

Tatarstannıñ ber törkem yazuçıları häm cämäğät eşlekleläre Bäläbäygä «İlham çişmäläre» festivalenä cıyına


Tatarstannıñ ber törkem yazuçıları häm cämäğät eşlekleläre Bäläbäygä «İlham çişmäläre» festivalenä cıyına

Pänceşämbe irtük Tatarstannıñ ber törkem yazuçıları häm cämäğät eşlekleläre 21-22 martta Bäläbäydä ütäçäk «İlham çişmäläre» festivalenä çığıp kitäçäklär. Säfärgä Tatarstannıñ Däülät Sovetı räise urınbasarı, şağıyr Robert Miñnullin, yazuçılar berlege räise Foat Ğalimullin, Mädäniät ministrı urınbasarı, şağıyr İlfaq İbrahimov häm Tatarstannıñ sänğät ostaları cıyınalar. Pänceşämbe könne alar Bäläbäy pedagogiä kolledjında ütäçäk Fatix Kärim bülägen tapşıruda, Texniklar mädäniät yortında bulaçaq şiğır ostaları bäygesendä häm başqa bäyräm çaralarında qatnaşaçaqlar.

Axırda berniçä qısqa ğına mädäniät yañalığı. Çärşämbe, 20 mart könne Mäskäüneñ Çaykovskiy isemendäge Zur konsertlar zalında Tatarstan respublikasınıñ xalıq uyın qoralları ansambleneñ berdän-ber konsertı buldı. Anda tamaşaçılar orkestrınıñ repertuarında tatar xalıq cırların, Näcip Cihanov, Salix Säydäşev, Röstäm Yäxin kebek tatar häm başqa kompozitorlarnıñ äsärlären tıñlıy aldılar. Konsertta Tatarstannıñ kürenekle artistları İlham Şakirov, Venera Ğanieva, Mixail Kozakov, Aydar Fäyzraxmanov, Röstäm Malikov häm başqalar qatnaştılar.

21 martta, pänceşämbe könne, qazanlılar Näürüzne bäyräm itäçäklär. Bäyräm çaraların Qazanda uzbäklärneñ milli-mädäni moxtariäte oyıştıra. Ä zamança muzıkanı yaratuçılar Qazanda mart axırında ütäçäk «Yevropa-Aziä» dip isemlängän cır festivalenä äzerlänälär.

«Azatlıq» radiosı öçen Tatarstan xäbärläre belän Qazannan Gölnaz İlgizär
XS
SM
MD
LG