Elekke zamannar bulsa, 22 april könne tantanalı muzıka häm yañğırawıqlı süzlär işetelep torır ide. 1870 yılnıñ 22 aprilendä Semberdä dönya proletariylarınıñ yulbaşçısı Vladimir İl'iç Lenin-Ulyanov tuğan. Üze zavod-fabrikalarda eşlämäsä dä, ul eşçelär sıynıfınıñ ixtiacların qänäğätländerü häm sıynfi köräş teoriäsen küätle köçkä äyländerep, Rusiä häm dönya tarixın üzgärtte. Lenin Qazanda universitetqa uqırğa kerep, studentlar fetnäsendä qatnaşqan öçen yuridik fakultetınnan quıp çığarılğan. Qazan Leninnı xäterli, çönki bu – real' tarix. Lenin tuğan könne bigräk tä tarixnı ixlas itep iskä alalar. Ulyanovlar uramında Lenin torğan yortta muzey isän-saw eşläp tora. Vladimir Ulyanov sörgengä cibärelgän Kokuşkino awılındağı Ulyanovlar yort-muzee xäzer inde ekskursiä marşrutlarına kermi. Lenin memorialı dip tözelgän mähäbät qızıl binada “Qazan” milli-mädäni üzäge urnaşqan. Lenin uramı xäzer Kremlevskaya dip atala. Qazan universitetı qarşındağı yäş Ulyanov häykäle üz urınında häm “skovorodka” dip atalğan şuşı mäydançıqta elekkeçä yegetlär, qızlar oçraşa. İrek mäydanında Cälil teatrı qarşında basıp torğan yulbaşçı häykäle qarşında kommunistlar yıl sayın 22 aprildä cıyıla. Bıyıl monda säyäsi şiğärlär astında piket ta buldı. Bu çarada 40-50-läp keşe qatnaştı.
Qazan gäcitlärendä Leninğa mönäsäbät turında çığışlar yazıldı. Yäş buın sıynfi köräş yulbaşçısın onıta başlağan. Tirän belemnäre belän ayırılıp torğan ber malay, Lenin – häykäl ul, digän. Ul xaqlı. Qazanda Leninğa 16 häykäl bar ikän. Şularnıñ ikesen däwlät qarap tora. Qalğannarı üzläreneñ ğomerläre betkänçe yäşiäçäk. Ä berniçä bala, Mayakovskiy häm Ulyanovlar uramı tiräsendä Lenin torğan yorttan bigräk Mintimer Şäymiev yäşägän öyne yaxşıraq belä ikän. Leninnıñ zamanı ütsä dä, ul barıber tarixta, istälektä qala. Beräwlärgä tiran, ikençelärgä – qotqaruçı, Lenin haman äle säyäsi mäydannıñ ber öleşen bili.
Qazan gäcitlärendä Leninğa mönäsäbät turında çığışlar yazıldı. Yäş buın sıynfi köräş yulbaşçısın onıta başlağan. Tirän belemnäre belän ayırılıp torğan ber malay, Lenin – häykäl ul, digän. Ul xaqlı. Qazanda Leninğa 16 häykäl bar ikän. Şularnıñ ikesen däwlät qarap tora. Qalğannarı üzläreneñ ğomerläre betkänçe yäşiäçäk. Ä berniçä bala, Mayakovskiy häm Ulyanovlar uramı tiräsendä Lenin torğan yorttan bigräk Mintimer Şäymiev yäşägän öyne yaxşıraq belä ikän. Leninnıñ zamanı ütsä dä, ul barıber tarixta, istälektä qala. Beräwlärgä tiran, ikençelärgä – qotqaruçı, Lenin haman äle säyäsi mäydannıñ ber öleşen bili.