Bäyräm aldınnan Qazan gäzitläreneñ berse sensatsion xäbär tarattı. Qazanda dönyada näşer itelgän iñ miniatyur, iñ keçkenä kitap tabıldı. Älbätttä, miniatyur Qör’än kitabı monınçı da yuğalıp tormağan. Ul bik ışanıçlı qullarda, 80 yäşlek suğış häm xezmät veteranı Ğilfan Ğaziev qulında 35 yıl saqlanğan. Läkin monnan ber çaması yıl elek Qıtayda dönyada iñ miniatyur kitap tabıldı, digän xäbärne häm älege kitap ülçämnäre belän Ğilfan Gaziev qulındağı Qör’änen çağıştırıp qarağaç, älege kitapnıñ Qıtayda tabılğan kitaptan berdä kim-xur tügellege açıqlanğan. Qazandağı Qör’än kitabınıñ razmerları 2.7х2.0 sm, awırlığı 4.5г. Ä Qıtayda tabılğan kitap 2.5х1.95 sm, ä awırlığı 4.3г çaması. Läkin eş berniçä mm häm berniçä mgr ayırmalıqta ğına tügel. Qazanda saqlanğan Qör’änneñ tarixı da qäderle. Pänceşämbe könne Qör’änneñ xucası Ğilfan Gaziev bezneñ studiäbızda bulıp kitte.
Ğilfan Gaziev kitapnıñ tanılğan balet ostazı İrek Möxämmätovnıñ babası Räsül Möxämmätov tarafınnan tapşırılğanı turında söyläde. Räsül Möxämmätovqa kitapnı anıñ olı apası märxümä Şärifä tapşırğan. Şärifä qulına Qör’än kitabı ire yağınnan kilep kerä. Miniatyur Qör’än kitabınıñ eze İstambulğa iltä häm xäzergä şunda yuğala.
Ğilfan Gaziev Qör’än kitabın iminiät dokumentı tözep, waqıtlıça muzeyğa quyıp torırğa niätli. Annarı soñ, inşalla, Qol-Şärif mäçete tözelep betkäç, ul Qö’änne şunda tapşırırğa niätli.
ilfan ağa studiäbezgä citez genä kerep, därtlänep, beraz qawdarlanıp ta söyläde dä, çığıp ta kitte. Suğış veteranı bularaq, ul äle Ciñü bäyrämendä dä qatnaşa. Ul İkençe Bötendönya suğışına 1942 yılnıñ mayında kitep, Kenigsbergta tämämlağan. Ğilfan Gaziev İkençe Bötendönya suğışında baştan ayaq qatnaşqan keşe bularaq, watandaşlarınıñ batırlığın iskä aldı.
Ğilfan Gaziev kitapnıñ tanılğan balet ostazı İrek Möxämmätovnıñ babası Räsül Möxämmätov tarafınnan tapşırılğanı turında söyläde. Räsül Möxämmätovqa kitapnı anıñ olı apası märxümä Şärifä tapşırğan. Şärifä qulına Qör’än kitabı ire yağınnan kilep kerä. Miniatyur Qör’än kitabınıñ eze İstambulğa iltä häm xäzergä şunda yuğala.
Ğilfan Gaziev Qör’än kitabın iminiät dokumentı tözep, waqıtlıça muzeyğa quyıp torırğa niätli. Annarı soñ, inşalla, Qol-Şärif mäçete tözelep betkäç, ul Qö’änne şunda tapşırırğa niätli.
ilfan ağa studiäbezgä citez genä kerep, därtlänep, beraz qawdarlanıp ta söyläde dä, çığıp ta kitte. Suğış veteranı bularaq, ul äle Ciñü bäyrämendä dä qatnaşa. Ul İkençe Bötendönya suğışına 1942 yılnıñ mayında kitep, Kenigsbergta tämämlağan. Ğilfan Gaziev İkençe Bötendönya suğışında baştan ayaq qatnaşqan keşe bularaq, watandaşlarınıñ batırlığın iskä aldı.