Qazan zurdan qubıp küpsanlı qunaqlarnı qarşı alırğa äzerlänä. Öçençe Bötendönya tatar kongressına häm Respublika, şähär könnären ütkärergä bixisap däräcäle millättäşlärebez kiläçäk. Kongressqa, mäsälän, 13 respublikadan, 36 ölkä, 5 kray, 1 okrug, Mäskäw, Sankt-Peterburgtan 562 delegat saylanğan. Märtäbäle qunaqlar arasında Rusiä prezidentı Vladimir Putin da bulaçaq. Comğa könne dönya kürgän Qazan häm respublika matbuğatı bu xaqta «Tatar-inform»nıñ räsmi xäbären tarattı. Läkin Vladimir Putinnıñ kongressta qatnaşu-qatnaşmawı älege xäbärlärdän açıq kürenmi. Anıñ vizitı respublika, şähär könenä turı kilergä mömkin. Qayber mäğlümät çaraları Rusiä prezidentı bäyräm itärgä genä tügel, Qazannıñ meñyellıq yubileen uzdıru mäşäqätlären küzdän kiçerergä dä teli, dip farazlıylar. Çönki ul bit elege yubileynı uzdıru buyınça tözelgän maxsus komissiäneñ räise. Niçek kenä bulmasın, Putinnıñ Qazanğa kilüe Mäskäw-Qazan mönäsäbätlären açıqlawğa, köylärgä yärdäm itäçäk. Ä andıy mäsälälär baytaq.
Comğa könne mäğlümät çaraları Tatarstan prezidentı Mintimer Şäymievneñ «İnterfax»qa birgän äñgämäsen bäyän ittelär. Ul nigezdä öçençe Bötendönya tatar kongressına bağışlanğan. İntervyuda Mintimer Şäymiev kongressnıñ ähämiätle waqiğa ikänen, anda kön üzägendäge küp kenä temalarğa cawap tabılırğa tieşlegen iskä ala. «Min bu kongress Rusiä Federatsiäseneñ üseşeneñ yaña etabı şartlarında tatarlarnıñ ruxi berläşüe kongressı bulaçaq, - dip isäplim. Kongress delegatları, hiçşiksez, tizdän ütäçäk xalıq sanın aluğa bäyle mäsälälärne dä tikşeräçäk».
Moña östäp, şunı äytäse kilä, öçençe qorıltayğa ömetlär ğayät zur. Kongressnı oyıştıruçılar törle töbäklärdä yäşäwçe millättäşlärebezneñ Qazanğa omtıluın, zur cıyında qatnaşırğa, söyläşergä teläwen xäzer üz cilkälärendä bik yaxşı tatıylardır. Ämmä mömkinleklär çiklängän. Xäyer, millät turında qayğırtqan här tatar keşese sivilizatsiä tudırğan mömkinleklärdän faydalana ala. Mäğlümät çaraları, İnternet, fax, telefon bu arada täwlek buyı eşläp toraçaqlar. Kongressta, älbättä, millät yazmışına qarağan rezolyutsiälär, möräcäğätlär qabul iteläçäk. Ber-işe xäbärlärgä qarağanda, kongress Rusiä citäkçelegenä häm tatar xalqına ayırım ike möräcäğät belän çığaçaq.
Qazan aeroportı, timer yul vokzalı qayber qunaqları qabul itä dä başladı. Kongress könnärendä Qazanda biznes keşeläre öçen eşlekle forum cıyılaçaq. Anda ilneñ, dönyanıñ törle poçmaqlarınnan 220-gä yaqın eşmäkär, säwdägär qatnaşaçaq. Tağın ber ekskluziv yañalıq. Şuşı könnärdä Finländiädän 26 millättäşebez maxsus niät belän Arçağa kiläçäk. Anda Arça qızı Liliä häm Helsinki yegete Varolnıñ tuyı uzaçaq. Qazan Finländiägä käläşlär eksportın uñışlı ğına däwam itä. Süz uñayınnan äytik, Varol äfände «İslamiä» cämgıäteneñ idarä wäkile, «Yoldız» sport klubınıñ citäkçese. Uzğan yıl Qazanğa kilep, İslam universitetında ike ay maxsus däreslär alıp kitkän ide. Küräseñ, buş waqıtında teatr, konsertlarğa yörep, şunda üz tiñen tapqan.
Comğa könne mäğlümät çaraları Tatarstan prezidentı Mintimer Şäymievneñ «İnterfax»qa birgän äñgämäsen bäyän ittelär. Ul nigezdä öçençe Bötendönya tatar kongressına bağışlanğan. İntervyuda Mintimer Şäymiev kongressnıñ ähämiätle waqiğa ikänen, anda kön üzägendäge küp kenä temalarğa cawap tabılırğa tieşlegen iskä ala. «Min bu kongress Rusiä Federatsiäseneñ üseşeneñ yaña etabı şartlarında tatarlarnıñ ruxi berläşüe kongressı bulaçaq, - dip isäplim. Kongress delegatları, hiçşiksez, tizdän ütäçäk xalıq sanın aluğa bäyle mäsälälärne dä tikşeräçäk».
Moña östäp, şunı äytäse kilä, öçençe qorıltayğa ömetlär ğayät zur. Kongressnı oyıştıruçılar törle töbäklärdä yäşäwçe millättäşlärebezneñ Qazanğa omtıluın, zur cıyında qatnaşırğa, söyläşergä teläwen xäzer üz cilkälärendä bik yaxşı tatıylardır. Ämmä mömkinleklär çiklängän. Xäyer, millät turında qayğırtqan här tatar keşese sivilizatsiä tudırğan mömkinleklärdän faydalana ala. Mäğlümät çaraları, İnternet, fax, telefon bu arada täwlek buyı eşläp toraçaqlar. Kongressta, älbättä, millät yazmışına qarağan rezolyutsiälär, möräcäğätlär qabul iteläçäk. Ber-işe xäbärlärgä qarağanda, kongress Rusiä citäkçelegenä häm tatar xalqına ayırım ike möräcäğät belän çığaçaq.
Qazan aeroportı, timer yul vokzalı qayber qunaqları qabul itä dä başladı. Kongress könnärendä Qazanda biznes keşeläre öçen eşlekle forum cıyılaçaq. Anda ilneñ, dönyanıñ törle poçmaqlarınnan 220-gä yaqın eşmäkär, säwdägär qatnaşaçaq. Tağın ber ekskluziv yañalıq. Şuşı könnärdä Finländiädän 26 millättäşebez maxsus niät belän Arçağa kiläçäk. Anda Arça qızı Liliä häm Helsinki yegete Varolnıñ tuyı uzaçaq. Qazan Finländiägä käläşlär eksportın uñışlı ğına däwam itä. Süz uñayınnan äytik, Varol äfände «İslamiä» cämgıäteneñ idarä wäkile, «Yoldız» sport klubınıñ citäkçese. Uzğan yıl Qazanğa kilep, İslam universitetında ike ay maxsus däreslär alıp kitkän ide. Küräseñ, buş waqıtında teatr, konsertlarğa yörep, şunda üz tiñen tapqan.