Tatarstan delegatsiäse Sarıtawğa äzerlänä

Sişämbe könge räsmi xäbärlärdä premyer-ministr Röstäm Miñnexanov citäkçelegendäge Tatarstan delegatsiäseneñ Sarıtaw ölkäsenä vizitqa äzerlänüe turında xäbär itelä. Bu vizit Rusiä Federatsiäse töbäkläre belän säwdä-iqtisadi, mädäni elemtälärne üsterü programması qısalarında ütkärelä. Anda respublikanıñ barlıq ministrlıqlar iqtisad, sänäğät, awıl xucalığı şirkätläre citäkçeläre qatnaşaçaq. Vizit barışında Sarıtaw ölkäse gubernatorı Dmitriy Ayatskov belän oçraşu, Sarıtaw ölkäsendä Tatarstannıñ säwdä-iqtisadi wäkilçelegen täqdim itü, Balakov atom elektrostansiäse belän tanışu häm tatar gimnaziäsendä bulu qaralğan.