Rusiä prezidentınıñ färmanı ütäläme?

Rusiä prezidentı Vladimir Putinnıñ 8 oktäberdä imzalağan yöklämälärendä III Bötendönya tatar kongressı wäkilläre belän oçraşu näticälärennän çığıp, aqqa qara belän “Правительству Россиийской Федерации рассмотреть вопрос о внесении корректив в Концепцию государственной национальной политики Российской Федерации с учетом изменений, происшедших со времени ее разработки, и представить предложения в установленном порядке” yağni, “Rusiä Federatsiäse xökümätenä Rusiä Federatsiäsendä däwlät milli säyäsäte Konsepsiäsenä anı tözegännän soñ bulğan üzgäreşlärne isäpkä alıp, tözätmälär kertü mäsäläsen qararğa häm täqdimnärne tieşle tärtiptä kertergä” diegän. Şuşı uq yöklämälärendä Rusiäneñ “Культура” TV kanalında Rusiädä yäşäwçe xalıqlar turında mädäni programmalar buldıru, Mäskäwdä tatar milli-mädäni üzäge buldıru häm Rusiäneñ mäğärif oyışmalarında Rusiä xalıqları tellären öyränü standartları eşläw dä qaralğan. Küräseñ, Rusiä prezidentınıñ şuşı III Bötendönya tatar kongressı wäkilläre oçraşuınnan çığıp yasalğan färmanı cawaplı çinovniklar äle haman da qolağına elmi. Xäyer, bu färman äle räsmi mäğlümat çaralarında da bik kürenmi.