Comğa könne Mäskäwdän ber küñelsez xäbär kilep töşte. Däwlät Duması «Rusiä xalıqları telläre» qanunına östämälärne beryulı II häm III uqılışta qabul itte. 336 deputat alarnı yaqlap tawış birgän. Nibarı 15 deputat qına qarşı bulğan. Älege qanun nigezendä Rusiä Federatsiäsendäge respublikalarnıñ alfavitı fäqät kirillitsada ğına bulırğa tieş. Bügenge wäzğıättä Tatarstan citäkçeläre bu mäs’äläne Mäskäw aldında qabat quzğatmaslar kebek. Ä menä cämäğät oyışmaları millätneñ tabiği xoquqın yaqlawnıñ qanunıy yulların taba alırlarmı?
Damir Ğısmetdin
Damir Ğısmetdin