İzrail’ bu atnada İzrail häm AQŞ xärbiläreneñ raketalarğa qarşı 2 törle yaña sistemanı ğämälgä kertü öçen urtaq xärbi künegülär ütkäräçägen iğlan itte.

İzrail’ Premyer-ministrı Ariel’ Şaronnıñ kiñäşçese Zalman Şoval bu künegülär İzrail’neñ Ğiraqta başlanırğa mömkin xärbi operatsiägä äzerlek çaralarınıñ ber öleşe diep belderde. Şoval äytüençä İzrail’ Ğiraqqa qarşı AQŞ höcüme başlanğan oçraqta Bağdadnıñ İzrail'gä üç alu höcüme yasawınnan qurqa. Anıñ süzlärençä aldağı atnalarda İzrail’ üzeneñ äzerlek çaraların tağın da arttıraçaq. 1991-nçı yıldağı Farsı qultığı suğışında Ğiraq İzrail’gä Scud şäkelendäge 39 raketa oçırğan ide.